იაპონია 2019 წლის 20 სექტემბრიდან 2 ნოემბრის ჩათვლით რაგბის მსოფლიო ჩემპიონატს მასპინძლობს. ჩემპიონატში საქართველოსთან ერთად 19 ქვეყანა მონაწილეობს, რომელთა კულტურისა და ტრადიციების პოპულარიზაციის მიზნით მასპინძელი სახელმწიფოს მაღალჩინოსნები და კერძო კომპანიები სხვადასხვა ღონისძიებებს მიმართავენ, რისი თვალსაჩინო მაგალითიც გახლავთ იაპონიის სკოლების რესტორნების მენიუში შეტანილი სხვადასხვა სახელმწიფოების ეროვნული კერძების სია.

მენიუში მოხვდა ისეთი ქართული კერძები, როგორიცაა ჩახოხბილი, ოჯახური და ხაჭაპური . საქართველოს და სხვადასხვა ქვეყნების სამზარეულოს კერძები მენიუში ეროვნული დროშებითაა აღნიშნული.