ფლორიდაში ოჯახი გლოვობს გმირ ძაღლს, რომელიც მოკვდა მაშინ, როდესაც ბავშვებს იცავდა შხამიანი გველის თავდასხმისგან.

10 წლის ორალი რიჩარდსონი თამაშობდა სახლის უკანა ეზოში, რა დროსაც 9 თვის პიტ-ბულის ჯიშის ძაღლი გადმოხტა მისკენ - განუცხადა СNN-ს ინტერვიუში გოგონას დედამ. ორალიმ შენიშნა, რომ ლეკვი თავს დაესხა უცნობ არსებას მიწაზე. ბავშვს ეს არსება მიწაზე დაგდებული თოკი ეგონა, თუმცა ის შხამიანი გველი აღმოჩნდა.

ძაღლმა გადაწყვიტა მოეგერიებინა გველის თავდასხმები, იგი მთელი თავისი სხეულით დააწვა ქვეწარმავალს, რათა არ მიეცა საშუალება ბავშვისკენ გაწეულიყო. თავდაცვის დროს გველმა რამდენჯერმე სასიკვდილოდ დაკბინა ლეკვი, თუმცა ძაღლმა მისი დაგლეჯა მაინც მოახერხა.

მომხდარის შემდეგ, ოჯახის წევრებმა სასწრაფოდ წაიყვანეს პიტბული ახლომდებარე საავადმყოფოში, სადაც მას ექიმებმა შხამსაწინააღმდეგო პრეპარატები გაუკეთეს, თუმცა მისი გადარჩენა მაინც ვერ მოხერხდა და მომდევნო დღეს მოკვდა