საქართველოს ოლიმპიურმა კომიტეტმა ლოზანადან სპეციალური წერილი მიიღო. საერთაშორისო ოლიმპიური კომიტეტის ეროვნულ ოლიმპიურ კომიტეტებთან ურთიერთობის დეპარტამენტის დირექტორმა პერე მირომ ქართულ მხარეს დამატებითი განმარტებისთვის საგანგებო განცხადება გამოუგზავნა.

"წინამდებარე წერილი წარმოადგენს დამატებით განმარტებას ჩვენს მიერ 2013 წლის 28 სექტემბერს გამოგზავნილ კორესპონდენციაზე და გვსურს მოგაწოდოთ უახლესი ინფორმაცია სოჭის 2014 წლის ზამთრის ოლიმპიურ თამაშებთან დაკავშირებულ აფხაზეთისა და სამხრეთ ოსეთის საკითხის შესახებ. გაცნობებთ, რომ საერთაშორისო ოლიმპიურმა კომიტეტმა ოფიციალურად მიმართა სოჭის ზამთრის ოლიმპიური და პარაოლიმპიური თამაშების საორგანიზაციო კომიტეტს, იმისათვის, რომ მოესმინა და გაერკვია არსებული ვითარება და მიეღო გარანტია, სოკ-ის პროტოკოლი სრულად ყოფილიყო დაცული. სოკი პასუხისმგებლობას კისრულობს, რომ მისი პოზიცია და დადგენილი წესები მკაცრად იქნება დაცული ოლიმპიური ქარტიის შესაბამისად და ნებისმიერი პრაქტიკული თუ ოპერაციული საკითხი სათანადოდ მოგვარდება სოჭის საორგანიზაციო კომიტეტის მიერ", - ნათქვამია წერილში.

შეგახსენებთ, რომ ოლიმპიური თამაშების მედია სააკრედიტაციო ფორმაში აფხაზეთი და ე.წ. სამხრეთ ოსეთი ამ დრომდე დამოუკიდებელ სუბიექტებად არის დაფიქსირებული.