ვარკეთილში, მე-9 სართულიდან გადმოვარდნილი 16 წლის ბიჭის საქმეზე, ჯგუფურად ძარცვის ბრალდებით დაკავებულ ხუთ პირს აღკვეთის ღონისძიებად პატიმრობა შეეფარდა.

მოსამართლემ ბრალდების მხარის პოზიცია გაითვალისწინა და ჯგუფურად ძარცვაში ბრალდებულ პირებს პატიმრობა შეუფარდა.

დაკავებული პირების ადვოკატები გადაწყვეტილების სააპელაციო სასამართლოში გასაჩივრებას აპირებენ, რადგან მათი განცხადებით, არ არსებობდა ის საფრთხეები, რაზეც სასამართლომ მიუთითა, მათ შორის დაკავებულთა მიმალვისა და მოწმეებზე ზემოქმედების საფრთხეზე.

მოსამართლემ მორიგი სასამართლო პროცესი 30 ოქტომბერს ჩანიშნა, სწორედ ამ დრომდე უნდა გასაჩივრდეს საქალაქო სასამართლოს გადაწყვეტილება მეორე ინსტანციაში.