ხვალ, 18 ოქტომბერს, 14:00 საათზე

 „დავასუფთაოთ საქართველო“ კამპანიის ფარგლებში

საქართველოში შვედეთის სრულუფლებიანი ელჩის ქ-ნი დიანა იანსეს ინიციატივითა და ორგანიზებით  ჩატარდება დასუფთავების აქცია შვედეთის საელჩოს (ყიფშიძის #15) მიმდებარე ტერიტორიასთან, რომელშიც მონაწილობას მიიღებენ შვედეთისა და საქართველოში აკრედიტირებული სხვადასხვა საელჩოების წარმომადგენლები.

აქციის ორგანიზატორებს, თურქეთის საელჩოს მიმდებარე ტერიტორიიდან შეუერთდება, პროექტის ,,დავასუფთაოთ საქართველო - საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“ (ფაზა 2), განმახორციელებელი ჯგუფის წევრები და აქტივისტები, რის შემდეგაც დაიწყება ერთობლივი დასუფთავების აქცია ქუჩების ყიფშიძე-აბულაძე-ყიფშიძე წრიული მიმართულებით. აქციის პარალელურად დარიგდება საინფორმაციო ბუკლეტები და ქაღალდის პარკები.

აქციის ბოლოს, საელჩოების წარმომადგენლები, პროექტის „დავასუფთაოთ საქართველო“-ს განმახორციელებელი ჯგუფის წევრები და აქტივისტები შეიკრიბებიან  შვედეთის საელჩოს ბოლო სართულზე, სადაც პროექტის მენეჯერების მიერ მოხდება „დავასუფთაოთ მსოფლიო - დავასუფთაოთ საქართველო“ კამპანიის ფარგლებში, სექტემბერში ჩატარებული აქციის შესახებ პრეზენტაციების წარდგინება.

15:00 საათზე, საელჩოს ტერიტორიის მიმდებარე სკვერში დაიდგმება მოლბერტი, რომელზეც წარმოდგენილი იქნება დაბინძურებული ტერიტორიების ამსახველი ფოტოსურათები.   

პროექტს - ,,დავასუფთაოთ საქართველო - საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“ (ფაზა 2),  ახორციელდებს არასამთავრობო ორგანიზაციათა კონსორციუმი – ,,საქართველოს მწვანეთა მოძრაობა დედამიწის მეგობრები/საქართველო, მდგრადი განვითარების კავშირი ,,ეკოხედვა~ და საქართველოს ბუნების მკვლევართა კავშირი „ორქისი“, შვედეთის საერთაშორისო განვითარების სააგენტოს (Sida) ფინანსური უზრუნველყოფით.