ცენტრალური გათბობა და კედლის ქვაბები

ბიზნესი & ეკონომიკა - 13:58, 25 Sep, 2019

3264

კედლის ქვაბის შერჩევა საკმაოდ რთული ამოცანაა. მისი სიმძლავრის სწორ შერჩევაზე ბევრი რამ არის დამოკიდებული. ხშირ შემთხვევაში მომხმარებელი ცდილობს დაამონტაჟოს იმაზე უფრო დიდი სიმძლავრის ქვაბი, რომელიც მის გასათბობ ფართს სჭირდება. საშუალოდ 10 კვადრატული მეტრი ფართის გასათბობად 1 კვტ თბური ენერგიაა საჭირო. ეს ციფრი მიახლოებულია. რეალურად კი თითოეულ შენობას ინდივიდუალური მიდგომა სჭირდება. უნდა დაანგარიშდეს შენობის სითბოდანაკარგები და მხოლოდ ამის შემდეგ შევარჩიოთ ქვაბის სიმძლავრე. სწორად დაანგარიშებული სითბოდანაკარგები სამომავლოდ გაგვიზრდის ქვაბის მუშაობის ექსპლუატაციის ხანგრძლივობას და საწვავის მოხმარებას შეგვიმცირებს.

რა და რა ტიპის კედლის ქვაბები არსებობს?

ქვაბები არის როგორც კედლის, ანუ კედელზე დასამონტაჟებელი, ასევე დასადგმელი ე.წ. სტაციონალური. ამ უკანასკნელში ძირითადად თუჯის თბომცვლელი გამოიყენება. ექსპლოატაციის ხანგრძლივობაც უფრო მეტი აქვს ვიდრე კედლის ქვაბს, სამაგიეროდ ეს ქვაბები ღია წვის კამერიანებია და სამონტაჟო სივრცე გაცილებით მეტი სჭირდება, ვიდრე კედლის ქვაბს. ამიტომ არჩევანს მომხმარებელი მაინც კედლის ქვაბზე აკეთებს. სტაციონალური ქვაბები არსებობს მყარ საწვავზე მომუშავე და დიზელის ან გაზის სანთურით. მყარ საწვავზე მომუშავე ქვაბები ძირითადად არის ქვანახშირის ან ხის პალეტების.

ხარისხი და გარანტია

ცენტრალური გათბობის კედლის ქვაბი ხანგრძლივი მოხმარების პროდუქტია, ამიტომ ის უნდა იყოს ხარისხიანი და უსაფრთხო. გათბობის ქვაბებს უნდა ჰქონდეს ხარისხის დამადასტურებელი, ევროპული სტანდარტის, სერტიფიკატი და მინიმუმ სამწლიანი გარანტია. საგარანტიო მომსახურების ფარგლებში, ტექნიკური ჯგუფი ვალდებულია აუხსნას მომხმარებელს ქვაბის ექსპლოატაციის წესები. გააცნოს ავარიული ნიშნები. ქვაბის სწორი ექსპლოატაცია უზრუნველყოფს მის ხანგრძლივ მოხმარებას.

სად შევიძინოთ კედლის ქვაბი?

დღესდღეისობით გათბობის სისტემების უამრავი მაღაზია და იმპორტიორია, თუმცა მნიშვნელოვანია, მომხმარებელს ჰქონდეს სრული ინფორმაცია აღნიშნული პროდუქტის შესახებ. მიიღოს სრულყოფილი, კვალიფიციური მომსახურება და სანდო ხარისხის ბუნებრივ აირზე მომუშავე კედლის ქვაბი. ქართულ ბაზარზე ევროპაში წარმოებული გათბობის ქვაბების არც თუ ისე ბევრი მაღაზია არსებობს. ერთ-ერთი გამორჩეული ამ კუთხით არის „თერმოინდუსტრია“.