რამდენიმე თვის წინ ფეისბუკში გავრცელდა აზერბაიჯანში გადაღებული ფოტო, რომელზეც ასახულია მუყაოზე ჩამომჯდარი პატარა ბიჭი, რომელიც ფილმს მაღაზიის ვიტრინაში დადგმულ ტელევიზორში უყურებს. როგორც მაშინ აზერბაიჯანულმა მედიამ დაწერა მაღაზიის ხელმძღვანელობამ ამ ფოტოს გავრცელების შემდეგ მძიმე სოციალური პირობების მქონე ბიჭს სწორედ ეს ტელვიზორი აჩუქა, ასევე ბავშვის დედას დაპირდნენ, რომ მის დასაქმებაზე იზრუნებდნენ.

ბიჭის დახმარებაზე სოციალური ქსელის მომხმარებლებმაც იზრუნეს, დღეს კი პატარა მურადი სკოლაში წავიდა, მის სასკოლოდ მომზადებაზე ერთ-ერთმა ფეისბუკგვერდმა იზრუნა.