16 და 17 ოქტომბერს, სანკტ-პეტერბურგის ფილარმონიის დიდ საკონცერტო დარბაზში ქართველი მუსიკოსების გალა კონცერტი გაიმართება. კონცერტი პროექტის, „ბრილიანტები საქართველოდან“, ფარგლებში ჩატარდება. დეტალური ინფრომაცია აღნიშნულ ღონისძიებაზე muztorg.ru-ზეა გავრცელებული.

ორდღიან გალა კონცერტში მონაწილეობას მიიღებენ: ნანი ბრეგვაძე, ნიკოლოზ რაჭველი, ეკა მამალაძე, ნატალია ქუთათელაძე, ნატო მეტონიძე, ლიზა ბაგრატიონი, მზია ნიორაძე, მიხეილ კოლელიშვილი, თემურ ყვითელაშვილი, დათო ევგენიძე და ჯიმი ასკანელი.

16 ოქტომბერს, კონცერტს ნიკოლოზ რაჭველი უდირიჟორებს. 17 ოქტომბერს კი კომპოზიტორ გია ყანჩელის შემოქმედებითი საღამოა დაგეგმილი.

დაგეგმილ ღონისძიებებს პრიმა-ბალერინა, ირმა ნიორაძე წაიყვანს.