დეკემბრიდან ავტომატური მართვის მქონე ავტომობილებისთვის მართვის მოწმობა ცალკე გაიცემა

საზოგადოება - 12:48, 16 Oct, 2013

2235

როგორც შს სამინისტროს მომსახურების სააგენტოს ახალი ხელმძღვანელი აცხადებს ცვლილება პრაქტიკული გამოცდის წესთან დაკავშირებით 15 დეკამბრიდან შევა.

,,მოქალაქეებს შესაძლებლობა ექნებათ 15 დეკემბრიდან ჩააბარონ პრაქტიკული გამოცდა, მართვის მოწმობის ასაღებად, ავტომატურ მართვის გადაცემის კოლოფიან ავტომობილებზე. ჩვენ დავაკმაყოფილეთ ევროდირექტივა . როგორც ევროპის სხვადასხვა ქვეყანაში ეს გახდება კოდი 78 კატეგორიის მინიჭება, ანუ საშუალება ექნებათ მათ თვითონ განსაზღვრონ სურთ მართონ მექანიკური გადაცემის კოლოფიანი ავტომობილი,თუ ავტომატური,“-განაცხადა ნინო კობახიძემ.

მისი თქმით, მძღოლი რომელსაც მიენიჭება მხოლოდ ავტომატური გადაცემის კოლოფის მქონე ავტომობილების მართვის უფლება ის მექანიკურ სატრანსპორტო საშუალებებს ვეღარ მართავს.

გარდა ამისა, ცვლილება იგეგმება ახალი მართვის მოწმობების გაცემისას. სურვილის შემთხვევაში, მართვის მოწმობაზე დატანებული იქნება მფლობელის სისხლის ჯგუფი, პროექტი ხორციელდება სისხლის ბანკთან ერთად.

ასევე პირი თუ გადაწყვეტს დონორობას, მას შეეძლება ჩაიტაროს სისხლის უფასო გამოკვლევა 4 ვირუსზე.