დღეში თუნდაც ორი ქილა გაზიანი გამაგრილებელი ან ენერგეტიკული სასმელის დალევამ, იქნება ის შაქარის შემცველი თუ ხელოვნური დამატკბობლებით, შეიძლება გაზარდოს ნაადრევი სიკვდილის რისკი, - აცხადებს ჯანდაცვის მსოფლიო ორგანიზაცია (WHO) კვლევების საფუძველზე, რომელსაც ის 16 წლის განმავლობაში ატარებდა.

ორგანიზაციის მიერ ჩატარებულმა კვლევის შედეგად შესწავლილ იქნა 450,000-ზე მეტი ადამიანის მონაცემები ევროპის 10 ქვეყანაში.

კვლევის მონაწილეების საშუალო ასაკი 50 წელს აღემატებოდა. ამასთან კვლევაში არ მონაწილეობდნენ ის პირები, რომელთაც სიმსივნე, გულ-სისხლძარღვთა დაავადება, დიაბეტი, ან სხვა სახის დაავადება ჰქონდა.

ამ პერიოდში დაფიქსირდა კვლევაში მონაწილე 41 600 ადამიანის გარდაცვალება.

ადამიანებს ექსპერტები ეკითხებოდნენ მათი ცხოვრების წესის, თამბაქოსადმი დამოკიდებულების, დიეტისა და რაც მთავარია გაზიანი გამაგრილებელი ან ენერგეტიკული სასმელის მოხმარების თაობაზე.

კვლევაში მონაწილეები ორ ჯგუფად დაყვეს და როგორც გაირკვა, იმ ჯგუფიდან, რომელიც ნაკლებად მოიხმარდა აღნიშნულ სასმელს, 9,3 პროცენტი გარდაიცვალა, ხოლო მეორე ჯგუფიდან, რომელიც დღეში 2 და მეტ ჭიქა სასმელს იღებდა - 11.5 პროცენტი.

შესაბამისად, მიღებული დასკვნის თანახმად დღეში 2 ჭიქა ტკბილი/ენერგეტიკული გაზიანი სასმელის მიღება ნაადრევი სიკვდილის რისკს 17%-ით ზრდის.

როდესაც ექსპერტებმა შეისწავლეს გარდაცვლილთა სიკვდილის კონკრეტული მიზეზები, დაადგინეს, რომ გამაგრილებელი სასმელების ხშირი მოხმარება ზრდის სისხლის მიმოქცევის სისტემის დაავადებებით სიკვდილის რისკს.

იმავდროულად, შაქრიანმა გამაგრილებელმა სასმელები ასევე ზრდის საჭმლის მომნელებელი სისტემის დაავადების რისკს.

ასევე, ყველა გამაგრილებელი სასმელი ასევე ასოცირდება პარკინსონის დაავადებით სიკვდილის უფრო მეტ რისკთან.

”ჩვენმა კვლევამ მიგვიყვანა დასკვნამდე, რომ უმჯობესი იქნება გაზიანი გამაგრილებელი ტკბილი ან ენერგეტიკული სასმელის შეცვლა სხვა, უფრო ბუნებრივი და ნაკლებად ტკბილი სასმელებით, სასურველია წყლით”, - ამბობს WHO-ს კვლევის ერთერთი ხელმძღვანელი დოქტორი ნილ მერფი.