"რესპუბლიკური" პარტიის წევრი და განათლების მინისტრის ყოფილი მოადგილე დავით ზურაბიშვილი საზოგადოების წარმომადგენლების მხრიდან თომას ჰამარბერგისადმი გაგზავნილ ღია წერილს სოციალურ ქსელში გამოეხმაურა:

"ტექსტი-საოცრება და ტექსტი სასწაული!!!! ამას ახლა თარგმნიან ინგლისურად (თუ არ თარგმნა ჩერგოლეიშვილმა უკვე), წარადგენენ როგორც ხელისუფლების მხარდამჭერი ქართული საზოგადოების გავლენიანი ნაწილის პოზიციას (რაც მთლად ტყუილიც არ იქნება) და მერე გაუკვირდება ზოგიერთს, რატომ უჭერენ დასავლეთში მიშისტებს მხარსო".

წერილს, რომელსაც თომას ჰამერბერგს გაუგზავნეს, ხელს აწერენ პოეტი რეზო ამაშუკელი, მწერალი ჭაბუა ამირეჯიბი, ჭადრაკში მსოფლიო ჩემპიონი ნონა გაფრინდაშვილი, ბიზნესმენი ლევან ვასაძე, ქორეოგრაფი ფრიდონ სულაბერიძე, რეჟისორი გოგა ხაინდრავა და სხვები.