ბიზნესმენ ავთანდილ ადუაშვილის მკვლელობაში ბრალდებული ციხიდან სკანდალურ განცხადებას ავრცელებს. ინფორმაცია მისმა ადვოკატმა გაახმაურა. ჩვენებაში კობა ყურუა მის მიმართ ძალადობაზე საუბრობს და ამაში მე-7 დაწესებულების ადმინისტრაციას ადანაშაულებს.

ადვოკატის თქმით, ყურუას გაუპატიურებით ემუქრებოდნენ და აიძულებდნენ, რომ მკვლელობის დამკვეთად სოსო პავლიაშვილი დაესახელებინა. ამ განცხადებას აფსურდულს უწოდებს სასჯელაღსრულების დეპარტამენტის უფროსი და მტკიცებულებად ის ვიდეო ჩანაწერები მოჰყავს, რომლებიც ყურუას საკანშია გადაღებული.

ირინა შალამბერიძე, კობა ყურუას ადვოკატი: ,,ვინმე დირექტორის მოადგილე სახელად გია, მე-7 საპყრობილის უფროსის მოადგილე.

კონკრეტულად აიღო პლასტმასის ბოთლი, იყო წლით სავსე და გვერდებში მცემდაო, ასე თქვა, სუნთქვა მიჭირს, ისე ძაან ცუდადა ვარო. მე ვუთხარიო ტყუილად მცემთ ახლაო, რომ მომკლათ ცემაში, არანაირ აღიარებით ჩვენებას არ მოგცემთ, იმიტომ რომ, ეს გზა უკვე გავიარე მე და არ ვაღიარეო.

თუ არ აღიარებო მაგასაც დაგანახებო. ჩქარა წაკუზეთ ახლაო ამ ხელჯოხით უნდა მო***თო.

მიხეილ ღურწკაია: „სრული პასუხისმგებლობით ვამბობ, ორივე შემთხვევა არის თვიდან ბოლომდე სიცრუე. სახელებისა და გვარების გარდა იქ ყველანაირი ინფორმაცია არის ტყუილი.

საბედნიეროდ, ჩვენ გვაქვს ვიდეომასალა რაც ხშირ შემთხვევაში ვერ ხერხდება ხოლმე. თავიდან ბოლომდე ამ ადამიანის ცხოვრების ამსახველი ვიდეომასალა და იმ შემთხვევაში, თუ გამოძიება დაინტერესდება ამას აუცილებლად წარვუდგენთ“.