საპარლამენტო უმცირესობის წევრი გოგა ხაჩიძე სოციალურ ქსელ „ფეისბუქში“ იმ ამბებს ჰყვება, რაც, სავარაუდოდ, მის მიერ ცოტა ხნის წინ ფოტოს გამოქვეყნებას მოჰყვა.

ფოტო გოგა ხაჩიძემ ცოტა ხნის წინ გამოაქვეყნა და მას უამრავი მნახველი ჰყავდა, წერდნენ სხვადასხვა შინაარსის, ძირითადად, დამცინავ კომენტარებსაც.

როგორც პარლამენტის წევრი წერს, ფოტო ვარკეთილში გადაიღო, დღეს კი იგივე ადგილზე მოხვდა და წარწერა, რომელიც საყოველთაო ხუმრობის საგნად იქცა, 

ჩამოხსნილი დახვდა:

„ცოტა ხნის წინ, ვარკეთილში ფოტო გადავიღე და დავდე.
დღესაც მოვხვდი იგივე ადგილზე.
ეტყობა მიუვარდნენ ამ პატიოსან ხალხს და "41" კი არ წააშლევინეს, არამედ წარწერა ჩამოახსნევინეს.
არა უშავს, "აქედან ვერ ამოშლით!"“, - წერს გოგა ხაჩიძე.