ბრიტანეთის პრემიერმა დედოფალს ქვეყნის პარლამენტის მუშაობის დროებით შეჩერება სთხოვა

მსოფლიო - 14:49, 28 Aug, 2019

867

ბრიტანეთის პრემიერმა ბორის ჯონსონმა დედოფალს ქვეყნის პარლამენტის მუშაობის დროებით შეჩერება სთხოვა.

"პრემიერ მინისტრი ესაუბრა მის უფიდებულესობა დედოფალს ფა სთხოვა, რომ მიმდინარე საპარლამენტო სესია სექტემბრის მეორე კვირას დაასრულოს. პარტიული კონფერენციების ტრადიციული სეზონის დასრულების შემდგომ, მეორე სესია მუშაობას 14 ოქტომბერს განაახლებს, დედოფლის გამოსვლით," - ნათქვამია პრემიერის კანცელარიის მიერ გავრცელებულ განცხადებაში.

დიდ ბრიტანეთშ BREXIT-თან დაკავშირებით პოლიტიკური კრიზისია. პარლამენტარებს არ მოსწონთ ევროკავშირთან არსებული შეთანხმების პროექტი, ხოლო ევროგაერთიანება მის გადახედვას არ აპირებს. ბორის ჯონსონი აცხადებს, რომ ასეთ შემთხვევაში ქვეყანა ევროკავშირს შეთანხმების გარეშე დატოვებს.

ცოტა ხნის წინ გაიმართა ოპოზიციური პარტიების შეხვედრა, რომლებიც შეთანხმდნენ, რომ ერთობლივი ძალისხმევით შეეწინააღმდეგებიან შეთანხმების გარეშე ევროკავშირიდან გასვლას.

ისინი სხვადასხვა ვარიანტს განიხილავენ, მათ შორის ამის თაობაზე კანონპროექტის მიღებასა და ჯონსონისადმი უნდობლობის გამოცხადებას.

თუ დედოფალმა მართლაც შეწყვიტა პარლამენტის სესია, 3 სექტემბერს, შვებულებიდან დაბრუნებულ დეპუტატებს სულ რამდენიმე სხდომა დარჩებათ თავისი გეგმის განსახორციელებლად.

შეგახსენებთ, ევროკავშირი ბრიტანეთმა 31 ოქტომბერს უნდა დატოვოს.