"ძალიან მენატრები ჩემო პატარავ, ყველაზე მეტად მიყვარხარ" - აღაიანში მოკლული ჩვილის მამა სულისშემძვრელ ფოტოს აქვეყნებს (ფოტო)

სოც.მედია - 01:09, 26 Aug, 2019

5152

ტრაგედია აღაიანში - მოკლული 7 თვის ბავშვის მამა , მიხეილ დვალიშვილი სოციალურ ქსელში ემოციურ პოსტს და ფოტოს აქვეყნებს:
"ყველაზე მეტად მიყვარხარ. ძალიან, ძალიან მენატრები ჩემო პატარავ, მამას მაგარი კაცი ხარ" - წერს მიხეილ დვალიშვილი.

შეგახსენებთ, 21 მაისს, გამთენიისას ბავშვის მამამ საბავშვო ეტლში 7 თვის ჩვილი გარდაცვლილი იპოვა. ამ დროს ბავშვის დედა სახლშიუ არ იმყოფებოდა რამდენიმესაათიანი ძებნის შემდეგ ის თბილისში, ერთ-ერთ სასტუმროში დააკავეს.

გამოძიების მასალების მიხედვით, რომელშიც არასრულწლოვანი დედის ჩვენება დევს, დაკავებული დანაშაულს აღიარებს და მოტივად ბავშვის მამაზე შურისძიება სახელდება.

"გამოძიებით დადგინდა, რომ ბრალდებულმა მ.შ-მ კასპის მუნიციპალიტეტის სოფელ აღაიანში, საკუთარ საცხოვრებელ სახლში, 7 თვის შვილი გვიან ღამით საწოლში გაგუდა და სახლიდან გაიქცა. სამართალდამცველებმა მ.შ.-ს ადგილსამყოფელი რამდენიმე საათში დაადგინეს და დააკავეს. დაკავებული ჩადენილ დანაშაულს აღიარებს.

"გამოძიება უმწეო მდგომარეობაში მყოფი არასრულწლოვანი ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ს 11 პრიმა 109-ე მუხლის მე-2 ნაწილის „ბ“ და „ვ“ ქვეპუნქტებით მიმდინარეობს"

დანაშაული 13-დან 17 წლამდე ვადით თავისუფლების აღკვეთას ითვალისწინებს. შემთხვევა კასპის რაიონში 21 მაისს მოხდა.