პრინცი ჰარი და მეგან მარკლი არჩევანის წინაშე დგანან - მიეკუთვნებიან ისინი "სელებრითების სამყაროს" თუ სამეფო ოჯახს, - აცხადებს ბრიტანეთის სამეფო კარის ბიოგრაფი ანჯელა ლევინი.

ეს განცხადება ბიოგრაფმა მას შემდეგ გააკეთა, რაც ჰარი და მეგანი ბოლო რამდენიმე კვირის განმავლობაში პრესის უარყოფითი სტატიების გმირები გახდნენ. მედიამ უარყოფითად შეაფასა მათი კერძო თვითმფრინავით განხორციელებული 11 დღიანი მოგზაურობა.

"თავად ეკოლოგიურ პრობლემებზე საუბრობენ და ჰაერში ნორმაზე 7-ჯერ მეტი გამონაბოლქვი გაუშვეს," - წერდა მედია.

ეს ფაქტი განსაკუთრებით უარყოფითად იმის გამო შეფასდა, რომ იმავე დღეებში ჰარის ძმა კემბრიჯის ჰერცოგი უილიამი და კეიტ მიდლტონი, შვილებთან ერთად ჩვეულებრივი სამგზავრო თვითმფრინავით გაემგზავრნენ ნორვიჩიდან აბერდინში.

ამ უარყოფით შეფასებებს ელტონ ჯონიც გამოეხმაურა, რომელსაც სასექსის ჰერცოგი და ჰერცოგინია Castel Mont-Alban-ში სტუმრობდნენ.

"ჰარის დედა უელსის პრინცესა დაიანა ჩემი უახლოესი მეგობარი იყო და მე ძალიან შეწუხებული ვარ იმ ფაქტით, როიმ ჰარის და მეგანის კერძო ვიზიტს ჩემს სახლში ასეთი ხმაური მოჰყვა," - დაწერა მომღერალმა სოცქსელში.

სწორედ ამ ფაქტის გამო ურჩევს ანჯელა ლევინი წყვილს სამომავლოდ არჩევანის გაკეთებას.

"როლი რომელთსაც ისინი თამაშობენ, როგორც სამეფო ოჯახის წარმომადგენლები, უფრო და უფრო დამაბნეველია. ხალხი გაურკვევლობაშია, ვინ არიან ისინი, მსოფლიოს გარშემო "მორბენალი" სელებრითები, თუ სამეფო ტახტის შემადგენელი ნაწილი?" - აცახდებს ბიოგრაფი.

იგი იმასაც აღნიშნავს, რომ წყვილი ნამდვილად ამბიციური და მოწოდებული ფილანტროპია და დადებითად აფასებს მათ გადაწყვეტილებას - განახორციელონ საქველმოქმედო ტური სამხრეთ აფრიკაში: ანგოლაში, მალავისა და ბოტსვანაში, სადაც ისინი სამი თვის არჩის წაყვანასაც გეგმავენ.