როგორ დაიცვა ბურაკ ოზჩივითმა მეუღლე, რომელსაც ინტერნეტმომხმარებლებმა შვილის გაჩენის გამო მომატებული კილოგრამები არ აპატიეს (ფოტოები)

ეს საინტერესოა - 13:14, 19 Aug, 2019

8900

თურქ ვარსკვლავურ წყვილს ბურაკ ოზჩივითსა და ფაჰრიე ევჯენს 13 აპრილს პირველი შვილი შეეძინათ. მსახიობების ოჯახში ვაჟი გაჩნდა, რომელსაც ქარანი დაარქვეს. შვილის შეძენის შემდეგ ფაჰრიემ კარიერაში პაუზა აიღო და თავის დროს მთლიანად შვილის აღზრდას უთმობს. მან აქტიურობა სოციალურ ქსელებშიც შეწყვიტა. მშობლები პატარა ქარანის ფოტოს მედიაში გავრცელებას თავს არიდებენ, თუმცა პაპარაცებმა ბურაკის, ფაჰრიეს და მათი შვილის დაფიქსირება აეროპორტში მაინც შეძლეს. სოციალურ ქსელში მათი ფოტოს გავრცელების შემდეგ ფაჰრიე კრიტიკოსების სამიზნე გახდა. ინტერნეტმომხმარებლების ნაწილმა ის მომატებული წონის გამო გააკრიტიკა. მათი თქმით, თურქეთის ერთ-ერთი ლამაზი მამაკაცის მეუღლე და თავადაც ცნობილი მსახიობი ფორმაში მალე უნდა ჩამდგარიყო.

კრიტიკოსებს ევჯენი ინსტაგრამსთორიში გამოეხმაურა „ყველა ქალი და ყველა დედა ლამაზია“- დაწერა მსახიობმა.

მისი ცოლზე ჰეითერების შეტევას უპასუხა ბურაკ ოზჩივითმაც:

„ფაჰრიე ყველა ფორმაში ისეთი ლამაზია, რომ მის მიმართ ჩემი სიყვარული ყოველდღიურად იზრდება.“- გაანცხადა ოზჩივითმა.