დღეს და ხვალ მოსკოვსა და კიევში "თბილისობა 2013"-ს აღნიშნავენ.

მოსკოვში "თბილისობა 2013"-ს ხელოვნების პარკში, "მუზეონში" აღნიშნავენ. სხვადასხვა ღონისძიებების ფარგლებში, ორგანიზატორები მსოფლიოში ყველაზე დიდი ხინკლის მომზადებას აპირებენ. ღონისძიებაზე მიწვეულნი არიან გინესის რეკორდების წიგნის წარმომადგენლები. გიგანტური ხინკლის დაგემოვნებას კი ნებისმიერი მსურველი შეძლებს. პარკში საწნახელსაც დადგამენ. ყურძნის დაწურვაში მონაწილეობას დამსწრე საზოგადოება შეძლებს. ორი დღის განმავლობაში პარკში სხვადასხვა კონცერტები გაიმართება, დღესასწაულს კი სოსო პავლიაშვილი დახურავს.

კიევში კი დაგეგმილია სხვადასხვა კონცერტები. პროფესიონალები ქართულ ეროვნულ ცეკვებს შეასრულებენ, ანსამბლი "იბერიელი" კი დამსწრე საზოგადოებას ქართულ სიმღერებს შესთავაზებს. დაგეგმილია ვოკალური ანსამბლის, "გორდელას" კონცერტიც. ჩატარდება ვიქტორინაც სახელწოდებით, "მე მიყვარს საქართველო", რომლის ფარგლებშიც ქართული ეროვნული ცეკვის მასტერკლასებს ჩაატარებენ. გამარჯვებული კი ერთ კვირიან საგზურს მიიღებს სასტუმრო "New Gudaur"-ში.