პაპარაცებმა ადრიანა ლიმა თურქ ოლიგარქთან კოცნის დროს დააფიქსირეს (ფოტოები)

ეს საინტერესოა - 11:29, 17 Aug, 2019

3825

ბრაზილიელი სუპერმოდელის, ადრიანა ლიმას პირად ცხოვრებაში არსებითი ცვლილებებია - მას რომანი აქვს თურქ ოლიგარქთან. ლიმას ახალი ბოიფრენდი ემირ უიარია - თურქეთში უმსხვილესი სასტუმროების ქსელის მფლობელი და კომპანია Permak Group-ის მმართველთა საბჭოს წევრი. ის მსოფლიო შოუბიზნესის წრეშიც მიღებული პიროვნებაა, რადგან ხშირად აწყობს საღამოებს, რომელსაც ცნობილი ვარსკვლავები სტუმრობენ. მისი საღამოების ხშირი სტუმარია ლინდსი ლოხანიც.

ბრაზილიელი მოდელი და თურქი ბიზნესმენი ერთად ჯერ ვენეციაში შეამჩნიეს, საიდანაც ისინნი საბერძნების კუნძულ მიკონოსზე გაემგზავრნენ, შემდეგ კი ერთ-ერთ იტალიურ კურორტზე, სადაც პაპარაცებმა ლიმა და უიარი კოცნის დროს დააფიქსირეს.

აღნსანიშნავია რომ ლიმა და უიარი პაპარაცებს არ ემალებოდნენ, თუმცა ამასთანავე თავიანთ ურთიერთობაზე არანაირ ოფიციალურ განცხადებას არ აკეთებენ.

შეგახსენებთ, რომ ცოტა ხნის წინ ადრიანა ლიმა თურქ მწერალს მეთინ ჰარას დაშორდა, რომელთანაც ქორწინებას აპირებდა. მათი ურთიერთობა ერთ წელზე მეტხანს გრძელდებოდა. ადრიანა ლიმას და თურქი მწერლის რომანი 2017 წლის ზაფხულში დაიწყო, და მათ ერთმანეთის ოჯახებიც კი გაიცნეს. ადრიანა ლიმასა და სერბი კალათბურთელის, მარკო იარიჩის 6 წლიანი ქორწინება კი 2016 წელს დასრულდა. მას პირველი ქორწინებიდან 2 შვილი ჰყავს.