21 იანვარს მომხდარი ავიაკატასტროფის შესახებ, რომელსაც არგენტინელი ფეხბურთელი ემილიანო სალა და მფრინავი დევიდ იბოტსონი ემსხვერპლა, ახალი დეტალები ხდება ცნობილი. Dailymail-ის ინფორმაციით თვითმფრინავის ჩამოვარდნამდე ფეხბურთელმა და მფრინავმა კარბონ მონოქსიდის, ანუ ნახშირჟანგის სახიფათო დოზა შეისუნთქეს. გამოცემა არ აკონკრეტებს თუ რა იყო ნახშირჟანგის თვითმფრინავის სალონში გავრცელების წყარო. სალას ოჯახის ადვოკატის განცხადებით ფეხბურთელის სხეულში აღმოჩენილმა ნახშირორჟანგის მაღალმა დონემ, მის ოჯახს ბევრი კითხვა გაუჩინა.

არგენტინელი ფეხბურთელი ემილიანო სალა კერძო თვითმფინავით საფრანგეთის ქალაქ ნანტიდან უელსში მიფრინავდა ის საფეხბურთო კლუბ Nantes-ში თამაშობდა და უელსურმა კლუბმა „კარდიფ სიტიმ“ დაღუპვამდე რამდენიმე კვირით ადრე 17 მილიონ ევროდ შეიძინა.

ემილიანო სალას ცხედარი დაღუპვიდან რამდენიმე კვირაში იპოვეს. მფრინავის ცხედარი კი ჯერ კიდევ არაა აღმოჩენილი.