12 და 13 ოქტომბერს გორში "გორის დღეები 2013" გაიმართება

საზოგადოება - 12:57, 12 Oct, 2013

948

"გორის დღეები 2013" გორში 12 ოქტომბერს 12 საათზე გაიხსნება, ქალაქის ცენტრალურ მოედანზე სოფლის ნობათის გამოფენა მოეწყობა მუნიციპალიტეტის ტერიტორიაზე არსებული სოფლებიდან, თითოეული სოფელი ინდივიდუალურად სოფელში მოყვანილ ნატურალურ პროდუქტს და ხილს გამოფენს.

გორის მუნიციპალიტეტის მოსწავლე ახალგაზრდობის კულტურულ-საგანმანათლებლო ცენტრის ხელმძღვანელი და გორის ,,დღეები 2013''-ს ორგანიზატორი ლექსო ვალიაური "ნიუპოსტთან" საუბრისას აცხადებს რომ წლევანდელი გორის დღეები მრავალფეროვანი და მაშტაბური იქნება.

ლექსო ვალიაური: შევეცადეთ გორის დღეები ყოფილიყო ძალიან გრანდიოზული 12 13 ოქტომბერი იქნება გამორჩეული და ძალიან საინტერესო თავისი პროგრამით. პირველ დღეს თორმეტში 12 საათზე მთლიანად ჩაიკეტება სტალინის გამზირი სადაც დაიწყება სოფლის ნობათის გამოფენა ქართული სამზარეულოს და ახალი მრეწველობის ნიმუშების გამოტანა. იქნება სპორტული ღონისძიებებიც ჩემპიონატებით დატვირთული. შემდგომ უკვე გადავალთ ფოლკლორულ ნაწილებზე გაიმართება გორში მოქმედი ფოლკლორული და ქორეოგრაფიული ანსამბლების კონცერტი მოგვიანეით გვეწვევიან ქართული ხმები რაც ძალიან მნიშვნელოვანია. 13-ში დაგეგმილია ასევე როკ მუსიკის ფესტივალი, ნანა ჯანელიძის ფილმის ,, ნეტავი აქ თეატრი არის" ჩვენება მოგვიანებით სტალინის სკვერში მოეწყობა დიზაინერების ნამუშევრების ჩვენებაც რომელსაც თბილისიდან მოწვეულ მოდელებთან ერთად ადგილობრივი სამოდელო სააგენტო ,,BEST MODELS"-ის მოდელები წარადგენენ დამსწრე საზოგადოების წინაშე. 2 დღის განმავლობაში ათზე მეტი სპორტული და კულტურული ღონისძიებებია დაგეგმილი.

გორის მუნიციპალიტეტის კულტურის სამსახურის ხელმძღვანელის რამაზ შიოშვილის თქმით ,,გორის დღეები 2013''-ს ორგანიზება ადგილობრივ ხელისუფლებას 27 ათასი ლარი უჯდება, შიოშვილი ჩვენთან საუბრისას იმასაც ამბობს რომ სპეციალურად გორის დღეები 2013-ისთვის სტუმრები უცხოეთიდან და დედაქალაქიდან ჩამოვლენ მისივე თქმით მსგავსი სახის ღონისძიებები ტურიზმის განვითარებისთვის მნიშვნელოვანია. ,,გორის დღეები 2013"-ს ორგანიზატორები გორისა და გორის რაიონის მოსახლეობას მოუწოდებენ შეუერთდნენ საკუთარი ქალაქის დღესასწაულს.