როგორც „ნიუპოსტს“ რეგიონალურმა კორესპონდენტმა აცნობა, ჯოჯიშვილის გატაცების შესახებ თანასოფლელებმა მას შემდეგ გაიგეს, რაც თვითმხილველმა მიაწოდა მათ ინფორმაცია რუსი შეიარაღებული ე.წ. მესაზღვრეების მიერ ჯოჯიშვილის ცხინვალში გადაყვანის შესახებ.

„ნიუპოსტთან“ საუბრისას, სოფლის რწმუნებული, მანანა თვაური აღნიშნავს, რომ გატაცებული სავარაუდოდ ცხინვალის იზოლატორში იმყოფება და ოკუპანტები მისი გათავისუფლების სანაცვლოდ, ტრადიციულად 2 ათას რუბლს ითხოვენ.