"პირადად მე ვერ ვიტან "რუსთავი 2"-ს, მაგრამ არ შემიძლია რომ არ ვუყურო © კოკა ყანდიაშვილი. მაესტრო, სუბიექტური აზრი, 18:59, 10 ოქტომბერი, 2013 წელი

კოკა, და ჩვენ, ყველაფერთან ერთად, არც გიყურებთ და მშვენივრად შეგვიძლია ამის გარეშეც  Koka Kandiashvili

ps იმისთვის მადლობა, რომ პრემიერის მთავარი პრესოფიცრის დამოკიდებულება ჩვენი მედიის მიმართ ასე გულწრფელად გაგვანდე,“ - "რუსთავი 2-ის" გენერალური დირექტორის აღნიშნულ სტატუსს "ფეისბუქის" საკუთარ გვერდზე დიდი გამოხმაურება მოჰყვა.

გვარამიას ჯერ ყანდიაშვილმა უპასუხა და ურჩია გადაცემა ბოლომდე ენახა და კონტექსტიდან ამოგლეჯილი ფრაზებით ნუ საუბრუბდა, რაზეც გვარამიამ უპასუხა, რომ ის უყურებს სხვადასხვა ტელევიზიებს და  კონტექსტიდან ამოგლეჯილი ფრაზა არ დაუწერია.

"კოკა, თავიდან ბოლომდე ვნახე (მაესტროს გადაცემებს, სხვათა შორის, ვუყურებ ხოლმე) და არაფერი არ ამომიგლეჯია კონტექსტიდან - რაც თქვი, ის დავდე. ახლა მთელ ქრონომეტრაჟს აქ ვერ ჩამოვწერდი. ისე გადაცემაშიც ხშირად იძახე, კონტექსტიდან ამოგლეჯილად მციტირებთო და დაფიქრებულიყავი, იქნებ შენშია პრობლემა.

რაც შეეხება ოფიცერს - არავითარი ქვეტექსტი არ მქონია, ჩინოვნიკი დავწერე ოღონდ დასავლურ ყაიდაზე. შენ თუ გირჩევნია, იყავი მედიაჩინოვნიკი", - უპასუხა გვარამიამ.

საუბარში ჩაერთნენ ჟურნალისტი ეკა კვესიტაძე და დავით პაიჭაძე, პაიჭაძემ კოკა ყანდიაშვილს ოთარ ჭილაძის ლექსი მიუძღვნა:

„ეს არის უფლის წყალობაც, მადლიც,

ფიქრის უღრანი ტყე უგუგულოდ

და შენც ამ ღატაკ სადგომს თუ ადგილს

დაუსრულებლად მზად ხარ უყურო“.

კვესიტაძემ კი ყანდიაშვილს ის ძველი ფოტო აუტვირთა, სადაც ის კიტოვანთან, ჯაბა იოსელიანთან, იგორ გიორგაძესთან და სხვა შევარდნაძის მთავრობასთან დაახლოებულ პირებთან ერთად არის გადაღებული. კომენტარში კი მიაწერა, რომ ყველაფერს იღონებს, რათა მათ წიაღში დააბრუნოს.

"მაესტროზე გითქვამს, რომ მე და პაიჭაძემ გაგაგდეთ სამსახურიდან  მაშინ ეს ბედნიერება არ მქონდა, მაგრამ ყველაფერი წინ არის -დარწმუნებული იყავი, ყველაფერს გავაკეთებ იმისათვის, რომ ამ სურათზე აღბეჭდილ შენი ძველი მეგობრების წიაღში დაბრუნდე,“-წერს კვესიტაძე.

რაზეც ყანდიაშვილმა ურჩია,რომ ლოცვები გაეძლიერებინა: "ეკა კვესიტაძე - რაც გინახავს, ვეღარ ნახავ. ლოცვები გააძლიერე.