მიმდინარე წლის 1 აგვისტოს, რესტორან „ახალ არმაზში“ სპეციალური საგანმანათლებლო საჭიროების მქონე ბავშვებისთვის, საქველმოქმედო დღე გაიმართა. ღონისძიებაში მონაწილეობა მიიღეს ორგანიზაცია „მშობელთა ხიდის“ წარმომადგენელმა მოზარდებმა.

რესტორნის დამფუძნებლის ბესიკ ბუთხაშვილის ინიციატივით, მოზარდებს მცხეთის ისტორიული ადგილების დათვალიერების შესაძლებლობა მიეცათ, რის შემდეგაც, რესტორანი „ახალი არმაზი“, ღონისძიების მონაწილეებს სადილით გაუმასპინძლდა.

გარდა ამისა, ღონისძიების ავტორმა, ორგანიზაცია „მშობელთა ხიდს“, აღსაზრდელებისთვის საჩუქრად ველოსიპედები გადასცა. საქველმოქმედო დღის ფარგლებში, მონაწილეობა, „მშობელთა ხიდის“ 16-მა აღსაზრდელმა და 3-მა პედაგოგმა მიიღო.

ბესიკ ბუთხაშვილის განცხადებით, აქცია მიზნად ისახავს ბიზნეს სექტორის სოციალური პასუხისმგებლობის ზრდას და მათ ჩართულობას სხვადასხვა საზოგადოებრივი ჯგუფების კეთილდღეობის ამაღლებისათვის. როგორც ორგანიზატორი აცხადებს, მას იმედი აქვს, რომ აღნიშნულ ინიციატივას სხვა ფიზიკური და იურიდიული პირებიც გამოეხმაურებიან.