"სოჭის ოლიმპიადაში მონაწილეობა საქართველოს სახელმწიფოსთვის არის სამარცხვინო მრავალ მიზეზთა გამო. მათგან უმთავრესი გახლავთ ის რომ თავად სოჭი იურიდიულად დღეს არის ისევ საქართველოს ტერიტორია,“ - აცხადებს მერაბ კოსტავას საზოგადოების თავმჯდომარე ვაჟა ადამია. "ერთა ლიგის მიერ ვართ ჩვენ იმ საზღვრებში რომელშიც შემოდიოდა სოჭიც და ტუაბსეც. დღეს მხოლოდ ფაქტობრივადაა დაკარგული ეს ტერიტორია.

გასული საუკუნის 20-იან წლებში ოკუპირებულ ქართულ მიწაზე ტარდება რუსების ორგანიზებით ოლიმპიადა და მასში მონაწილეობა გახლავთ თავისთავად სამარცხვინო, ხოლო შემდეგ ის რომ რუსეთი თანამედროვე ოკუპანტი საქართველოსი, რომელიც დღესაც ახორციელებს მცოცავ ანექსიას საქართველოში. მის მიერ გამართულ ოლიმპიურ თამაშებში მონაწილეობა არის დამამცირებელი და მიუღებელი აბსოლიტურად.

ამიტომ რასაკვირველია ბოიკოტირებულ უნდა იქნეს ეს ოლიმპიური თამაშები. ერთი მიზეზთაგანი გახლავთ ის რომ საქართველოს მონაწილეობით სოჭის ოლიმპიადაში ფაქტიურად ჩვენ ვემიჯნებით დასავლეთს. ჩვენ მათთან სალაპარაკო აღარ გვრჩება, ჩვენ ვრჩებით პირისპირ რუსეთთან და ზურგით დასავლეთისკენ. აი, მიზეზები, რატომ უნდა იქნას ბოიკოტირებული სოჭის ოლიმპიადა. არაფერს ვამბობ იმ წვრილმანზე რომ ელემენტალურად სპორტისა და რეინტეგრაციის მინისტრს გუნდიც კი არ აქვთ, ოთხკაციანი სამარცხვინო გუნდი, რომლითაც უნდათ ღირსება დაიცვან ერის“, - აცხადებს ვაჟა ადამია.

ის კომენტარს ევრაზიულ კავშირთან დაკავშირებითაც აკეთებს და აღნიშნავს, რომ იგივე მეორდება,რაც შევარდნაძის დროს ხდებოდა "ესენგეში" შესვლასთან დაკავშირებით. "რაც შეეხება ზოგადად დოკუმენტს, რომელიც შეეხებოდა ევრაზიულ კავშირს და ესენგეში საქართველოს შესაძლო გაწევრიანებას, რომლის თაობაზეც ქადაგებს ბატონი პრემიერი ბიძინა ივანიშვილი და მისი კაბინეტის წევრი მინისტრები.

ჩვენ დღეს წარმოგიდექით ის პოლიტიკური ორგანიზაციები რომლებიც ვაპირებთ უფრო ღრმა ინტეგრაციას ერთმანეთში და სამომავლოდ უფრო ფართო ბრძოლის გაშლას ვინაიდან, ჩვენ ვართ მომსწრე და მონაწილე 9-იანი წლების პირველ ნახევარში როდესაც შევარდნაძემ შესძლო გაბრიყვებული ერის და ქვეყნის ესენგეში შეთრევა სხვას ვერაფერს დავარქმევ და დღეს მეორდება იგივე და ჩევნ გვემუქრება დაბრუნება როგორც ესენგეში ასევე ევრაზიულ კავშირში აი, ამიტომ ფართო მუშაობა და ბრძოლაა გასაშლელი რათა წინ აღვუდგეთ აი ამ პროცესებს ერისა და ქვეყნისათვის დამღუპველ პროცესებს და ეს ბრძოლა არ დავტოვოთ ჩვენი შვილების და ჩვენი შთამომავლობის ამარა", - აცხადებს ადამია.