ტექნოკრატი მთავრობის შექმნა და სასწრაფო რეფორმები - რას ურჩევენ ზელენსკის Atlantic Council-ის ექსპერტები

მსოფლიო - 17:58, 26 Jul, 2019

1149

უკრაინის საპარლამენტო არჩევნებში ზელენსკის პარტიის გამარჯვება შესანიშნავი შესაძლებლობაა ქვეყანაში დემოკრატიის განვითარებისა და წარმატებული რეფორმების გატარებისთვის აცხადებენ ანალიტიკურ ცენტრ Atlantic Council -ის ექსპერტები.

უპირველეს ყოვლისა ისი ხაზს უსვამენ იმგარემოებას, რომ საზოგადოებრივი აზრის გამოკითხვები ფასაოცრად ზუსტი აღმოჩნდა და "ხალხის მსახურმა" არამარტო პროპორციულ არჩევნებში გაიმარჯვა, არამედ მაჟორიტართა უმრავლესობაც მოიგო.

პოლიტოლოგი ანდერს ასლუნდი აცხადებს, რომ რადას დღევანდელი შემადგენლობიდან თითქმის 2/3 არასდროს ყოფილა პარლამენტის წევრი. შესაბამისადმ პირველად თითქმის 30 წლის განმავლობაში საკანონმდებლო ორგანოში წამყვან პოზიციებზე არ იქნებიან ის პოლიტიკოსები და ბიზნესმენები, რომლებიც მხოლოდ საკუთარ ინტერესებზე იზრუნებენ.

"გამარჯვების მასშტაბი და ე,წ, "გამოცდილი პოლიტიკოსების" ნაკლებობა ტექნოკრატი მთავრობის შექმნის ალბათობას ზრდის. დიდი მნიშვნელობა ექნება სადეპუტატო იმუნიტეტის გაუქმებასაც და პოლიტიკის დაფინანსების დარეგულირებასაც. ზელენსკიმ სწრაფად უნდა იმოქმედოს, რათა ქვეყანაში კანონის უზენაესობა დამყარდეს, მოხსნას გენერალური პროკურორი, გაწმინდოს საბაჟო და ეკონომიკური რეფორმები გაატაროს. შეიძლება მოხდეს სახემწიფო სასოფლო სამეურნეო მიწების პილოტური გაყიდვა და სამართლიანი პრივატიზაციის დაჩქარება," - აცხადებს იგი.

სწრაფი ნაბიჯების გადადგმას ურჩევს პრეზიდენტს მეორე ექსპერტიც, რომელიც თვლის რომ ტემპის დაგდება მას კრიტიკულ სიტუაციაში ჩააგდებს, რადგან მას აღარ შეეძლება წინამორბედის მსგავსად, პარლამენტს საჭირო კანონპროექტების ჩაგდება დააბრალოს.

პოლიტოლოგებს მიაჩნიათ, რომ ზელენსკიმ დრო არ უნდა დაკარგოს ოპონენტების დევნაზე, იმოქმწდოს მკაცრად კანონის ფარგლებში და ლუსტრაციის კანონი დისკრიმინაციულად არ უნდა გამოიყენოს, რათა არ დაკარგოს ბევრი ნიჭიერი ტექნოკრატის გამოყენების შესაძლებლობა.

ამერიკული ორგანიზაციის წარმომადგენლები ასევე აცხადებენ, რომ მოიხედავად მეორე ადგილისა, პრორუსული ძალის მცირე, 13%-იც ქვეყანას მომგებიან პოზიციაში აყენებს, რადგან არჩევნებმა აჩვენა, რომ კრემლი უკრაინაში გავლენას კარგავს.