"თუ საქართველო სოჭის ოლიმპიადაში მონაწილეობას არ მიიღებს, ამით მხოლოდ ქართველი სპორტსმენები დაზარალდებიან", – აღნიშნული განცხადება ოლიმპიური კომიტეტის ვიცე-პრეზიდენტმა ნინო სალუქვაძემ გააკეთა.

როგორც მან აღნიშნა, საქართველოს ოლიმპიური კომიტეტი მიმართავს საერთაშორისო კომიტეტს, რათა მათ აღკვეთონ რუსეთის მხრიდან საქართველოზე ზეწოლა. იმ შემთხვევაში, თუკი საერთაშორისო ოლიმპიური კომიტეტი ვერ მოახდენს სათანადო რეაგირებას, ქართული მხარე ადეკვატურ ნაბიჯებს გადადგამს.