"გუშინ სამსახურში მოვედი და არ დამხვდი, ვერ ვაცნობიერებ რეალობას...მჯერა რომ ყველა ერთად, სადღაც, ისევ ამოვხეთქავთ" - ნანუკა ჟორჟოლიანის ემოციური მიმართვა ნიკა გვარამიას

სოც.მედია - 10:29, 20 Jul, 2019

9080

ჟურნალისტი ნანუკა ჟორჟოლიანი, "რუსთავი 2" - ის ყოფილ გენერალურ დირექტორს სოციალურ ქსელში მიმართავს და მადლობას უხდის.

"გუშინ სამსახურში მოვედი და არ დამხვდი. . რა ვქნა, ჯერ ვერ ვაცნობიერებ რეალობას. მინდოდა შენთვის პირადად მეთქვა რაღაცეები. მერე მოგწერე და მივხვდი რომ ისიც არ მეყო. მერე მაიკო ლომიძის სტატუსი ვნახე და “შემშურდა”, გულწრფელობის და სისწორის. ყველაფერი სიტყვა სიტყვით დაუწერია რასაც ვფიქრობდი.

ყოველთვის ვამაყობდი რომ ნიკა ტაბატაძის რ2-ში ვმუშაობდი. ჰარვარდ დამთავრებულივით ვიქცეოდი ამ მიზეზის გამო და ახლა უკვე ორი დიპლომით ვარ. შენთან მუშაობით დავამთავრე უნივერსიტეტი სადაც ვისწავლე:

1. რომ ყოველთვის უნდა ვიბრძოლო.

2. რომ ნებისმიერი უთანხმოების და კონფლიქტის მიუხედავად მთავარი საერთო ღირებულებებია

3. რომ 800 კაციან გუნდში ყველა რგოლი ერთნაირად მნიშვნელოვანია.

4. რომ თავისუფლებას ზღვარი არ აქვს.

შენი იმედი მქონდა ყოველთვის. მაშინაც კი როცა ავად ვხდებოდი და იცოდე რომ შენი მეგობარი ვარ 4ever. იმედი მაქვს, რომელიღაც ცხოვრებაში კიდევ გამიმართლებს და მომიწევს შენთან ერთად მუშაობა.

მე მაინც მჯერა რომ ყველა ერთად, სადღაც, ისევ ამოვხეთქავთ. მადლობა ნიკა" - წერს ნანუკა ჟორჟოლიანი სოციალურ ქსელში.