"საქაერონავიგაციის" ახალი ხელმძღვანელის ბრძანებას, რომლის მიხედვითაც თანამშრომლების უფლებები ირღვევა "პირველი რადიო" აქვეყნებს.

დოკუმენტის მიხედვით, საზოგადოების გენერალური დირექტორის ბრძანებით, კომპანიის შინაგანაწესში შეტანილ იქნა ცვლილება, რომლის თანახმადაც თანამშრომლებს ვითომდა ფრენის უსაფრთხოებისა და საავიაციო უშიშროების ხარისხის დაცვის მიზნით ეზღუდებათ საერთაშორისო თუ საქართველოს კონსტიტუციით გარანტირებული უფლებები. კერძოდ, მათ აეკრძალათ კომენტარების, განცხადებების, შეფასებების გაკეთება, რაიმე ინფორმაციის გავრცელება სხვადასხვა საინფორმაციო ბეჭდურ საშუალებებში და ინტერნეტით სოციალურ ქსელებში გენერალურ დირექტორთან შეუთანხმებლად.

როგორც "პირველი რადიო" წერს, ახალმა ხელმძღვანელებმა სამუშაო პროცესი დაიწყეს თანამშრომელთა მასობრივი დაკითხვებით. იძულების ფორმით ახორციელებდნენ თანამშრომელთა პოლიტიკური შეხედულებების გამჟღავნებას რის საფუძველზეც გაურკვეველი მიზეზით სამსახურიდან გაათავისუფლეს ათეულობით თანამშრომელი.