მარტო მცხოვრები მამაკაცი საკუთარმა ძაღლებმა ძვლებიან-ტანსაცმლიანად შეჭამეს - მისი ნაწილაკები ცხოველების ექსკრემენტებში აღმოაჩინეს

ეს საინტერესოა - 17:57, 15 Jul, 2019

22817

დნმ-ს ტესტმა დაადასტურა, რომ ტეხასის შტატის მაცხოვრებელი ფრედი მეკი მისმა ძაღლებმა შეჭამეს. ამის შესახებ Washington Post-ი წერს.

57 წლის ფრედი მეკი ქალაქ ვინესის შემოგარენში განმარტოებით მდგარ სახლში ცხოვრობდა, ის ადამიანებს თავს არიდებდა და 18 ძაღლთან ერთად ცხოვრებას ამჯობინებდ, რომლებიც მის ეზოში ბინადრობდნენ. 2 კვირაში ერთხელ მასთან მისი ნათესავები მიდიოდნენ, რომლებსაც ის პროდუქტების შესაძენად მაღაზიაში მიჰყავდათ, სწორედ მათ შეამჩნიეს მამაკაცის გაუჩინარება.

მაისის დასაწყისში მათ პოლიციას მიმართეს და განაცხადეს, რომ ფრედს ვერ პოულობდნენ. მათი თქმით, ისინი ფრედთან დაკავშირებას აპრილის თვეშიც ვერ ახერხებდნენ, რადგან ეზოში შესვლას აგრესიული ძაღლების გამო ვერ ახერხებდნენ. ქალაქის შერიფის თანაშემწეებმა ცხოველების ყურადღების გატანა და სახლში შესვლა შეძლეს, თუმცა სახლის მფლობელი ადგილზე არ აღმოჩნდა. შედეგი არც ტერიტორიის უპილოტო საფრენი აპარატით დათვალიერებას მოუტანია.

15მაისს აღნიშნულ ტერიტორიაზე ძვლის მცირე ფრაგმენი აღმოაჩინეს, ძვლების რამდენიმე ფრაგმენტი, თმები და ქსოვილის ნაწილაკები იქნა აღმოჩენილი ძაღლების ექსკრემენტებშიც. გენეტიკურმა ანალიზმა აჩვენა, რომ ისინი ფრედს ეკუთვნოდა. როგორც ჩანს, ძაღლებმა ის ძვლებიან-ტანსაცმლიანად შეჭამეს.

„თავდაპირველად ჩვენ ამას უნდობლობით ვუყურებდით, რადგან აღარაფერი იყო დარჩენილი“- განაცხადა Washington Post-თან ოლქის შერიფმა. გამომძიებლები ვერ იხსენებდნენ სხვა მსგავს შემთხვევას, რომ შინაურ ცხოველს პატრონი მთლიანად შეეჭამათ.

ფრედის 13 ძაღლი აგრესიულობის გამო დააძინეს, იძულებულები გახდნენ მოეკლათ 2 ძაღლი. ფრედის 3 ძაღლი კი ცოცხალია და თავშესაფარში ცხოვრობს.