9 ოქტომბერს მოლაშქრეთა ეროვნული ფედერაცია სოფელ დიცში რუსული აგრესიის გასაპროტესტებლად 2 დღიანი ლაშქრობას გეგმავს.

აქცია სოციალურ ქსელებში დაანონსდა და მასში მონაწილეობა ნებისმიერ მსურველს შეეძლება.

"დავბანაკდებით სოფელ დიცში სამხრეთ ოსეთის სეპარატისტული რესპუბლიკის ე/წ საზღვართან. 2 დღის განმავლობაში ვეცდებით გავაპროტესტოთ რუსული აგრესია საქართველოს მიმართ და მოვუწოდოთ ოს ხალხს მშვიდობიანი თანაცხოვრებისკენ. ნებისმიერ მოლაშქრეს, ვისაც გული შეტკივა განვითარებულ მოვლენებზე შეუძლია შემოგვიერთდეს მშვიდობის ბანაკში რუსული პოლიტიკისა და აგრესიის საწინააღმდეგო აქციაზე დამატებითი ინფორმაციისთვის დაგვიკავშირდით: 598701175“, -წერენ ორგანიზატორები. აქციის მონაწილეები დღეს 12 საათზე წავლენ დიცში, ლაშქრობაში მონაწილეობის სურვილი ასზე მეტმა ადამიანმა გამოთქვა.