30 წლის შემდეგ, ზაფხულში, პეტერბურგში ისეთივე სიცხე იქნება, როგორც დღეს სოფიაში, ლონდონში - როგორც ბარსელონაში

30 წლის შემდეგ, ზაფხულში, პეტერბურგში ისეთივე სიცხე იქნება, როგორც დღეს სოფიაში, ლონდონში - როგორც ბარსელონაში - მეცნიერები

ეს საინტერესოა - 14:50, 13 Jul, 2019

1846

2050 წლისთვის, ზაფხულში, სანკტ-პეტერბურგში ისეთივე სიცხე იქნება, როგორც სოფიაში, ლონდონში - როგორც ბარსელონაში და რიო-დე ჟანეიროში - როგორც ჰავანაში, აცხადებენ მეცნიერები. ზოგადად, ამ დროისთვის ზაფხულში ჰაერის ტემპერატურა 5,5 - 6,1 გრადუსით გაიზრდება, ამტკიცებენ ისინი.

ეს შედეგები ციურიხის კრაუტერის ლაბორატორიის მიერ ჩატარებული კვლევების საფუძველზეა მიღებული. კვლევების თანახმად საშუალოდ მსოფლიოს 520 ქალაქში ზაფხულის ტემპერატურა მინიმუმ 2 გრადუსით გაიზრდება. ყველაზე მეტად ზრდა ჩრდილოეთ განედებზეა მოსალოდნელი. დასავლეთ და შუა ევროპის ქალაქებში ზაფხულის ტემპერატურა საშუალოდ 3,5, ხოლო ზამთრის - 4,7 გრადუსით მოიმატებს.

"ჩვენი აზრით, ამ კვლევის ფუნდამენტური დასკვნა იმაში მდგომარეობს, რომ დაახლოებით ასი ქალაქი იცხოვრებს ისეთ კლიმატურ პირობებში, რომლებიც მსოფლიოს ისტორიაში არასდროს ყოფილა. ისმის კითხვა, შესაძლებელი იქნება საერთოდ ცხოვრობდეს აქ ადამიანი? შვენ შეიძლება მასობრივი მიგრაციის მომსწრე გავხდეთ," - აცხადებენ სინოპტიკოსები.

გაერო აცახდებს, რომ ტემპერატურის ასეთმა ზრდამ გაუთვალისწინებელი შედეგები შეიძება გამოიწვიოს. იგი ასევე წინასწარმეტყბელებს, რომ თუ სახელმწიფოებმა გარკვეული ზომები არ მიიღეს, 2100 წლისთვის ტემპერატურა 3-4 გრადუსით კიდევ მოიმატებს.

კოსმოსური ფიზიკის პროფესორი მაიკლ ლოკვუდი აცხადებს, რომ ტემპერატურის ასეთმა ზრდამ შესაძლოა ადამიანის მიერ შექმნილ ინფრასტრუქტურას შეუქმნას საფრთხე.

"ბევრი თვლის, რომ არაფერი ცუდი არ მოხდება, თუ ლონდონში ისეთივე ტემპერტურა იქნება, მაგრამ ეს ასე არ არის. ლონდონი დგას თიხის ბალიშზე. თიხა დათბობისას შეიძლება გახმეს და სიმტკიცე დაკარგოს, ხოლო წვიმები მას ასველებს და იგი ფართოვდება. ყოველივე ამან, შეიძლება გაუთვალისწინებელი შედეგი გამოიღოს," - აცხადებს იგი.