"ერთხმად გაისმოდა ლოცვა მამაო ჩვენო...ამ დროს მოხდა რაც მოხდა" - 22 წლის ბიჭს, რომელსაც ვასაძის მხარდამჭერმა თავში ქამარი ჩაარტყა 3 ნაკერი დაადეს

სოც.მედია - 17:25, 09 Jul, 2019

2351

გუშინ, ანტისაოკუაციო აქციის მონაწილეს, ლევან ვასაძის მხარდამჭერი ფიზიკურად გაუსწორდა.

22 წლის ბიჭს თავზე 3 ნაკერი დაადეს. თორნიკე ბერიძის შესახებ მისი ახლობელი სოციალურ ქსელში წერს.

"ეს თბილისის კონსერვატორიის სტუდენტია, 22 წლის თორნიკე ბერიძე. მივიდა ანტისაოკუპაციო მიტინგზე, მაგრამ ამ გაწა-მაწიაში აღმოჩნდა რაინდის მიტინგზე, იქითა მხარეს ანუ.

"მერე გამოდიოდა მამაო და ვუსმენდით, რას ლაპარაკობდა, ჩემი შვილიც იდგა იქვე, ღია ფერის მაისური ეცვა", იხსენებს თორნიკეს დედა. "ვიღაც მოვიდა დიდი ქამრით, ბალთიანი ქამრით, ჩაარტყა პირდაპირ სახეში, თავში, ისე, რომ აზრზე ვერ მოვედით, რა უნდოდა, ვინ იყო, ჩაარტყა და გაიქცა".

ჩემი ერთი ნაცნობი გამახსენდა. მოწევდა 5 სიგარეტს და მერე მოძღვართან გარბოდა მოსანანიებლად. ასე მაინც ნაკლები ცოდვააო . ამის გამკეთებელიც გაიქცა მერე მოსანანიებლად, თუ ამას საერთოდ არ თვლის ცოდვად?

ვიღიმი, რადგან ვიცი, რომ თორნიკე კარგადაა... ნუ, პირობითად. 3 ნაკერი კი დაადეს თურმე თავზე" - წერს ნინო ჟვანია სოციალურ ქსელში.

თორნიკე ბერიძე გუშინ, აქციაზე მომხდარს იხსენებს და "ფეისბუქის" პირად გვერდზე წერს, რომ კარგად არის.

"ერთხმად გაისმოდა ლოცვა მამაო ჩვენო, ჩვენს უკან ორი ახალგაზრდაგოგო განუწყვეტლად თავს აკანტურებდნენ, გაიძახოდნენ "სირცხვილი, სირცხვილი" რიტუალს გავდა...რუხი ატმოსფერო ტრიალებდა, ამ დროს მოხდა რაც მოხდა... ახლა კარგად ვარ, აბა რა მეთქმის ჩემ თვალდათხრილ მეგობრებთან შედარებით. ბრძოლა გრძელდება!

ბნელი სამღვდელოება, ეკლესიის სახელით სიბოროტეს რომ ჩადიხართ, გახარიას მიერ დაქირავებული სადამსჯელო რაზმებს ვიღაც რაინდის ხელმძღვანელობით და დღევანდელო მთავრობავ მოგეკითხებათ ყველაფერი.

აქაც რომ სიმპათიური ვარ. შურმა იძალადა!" - წერს დაშავებული სოციალურ ქსელში.