საქართველოს სპორტისა და ახალგაზრდობის საქმეთა მინისტრი ლევან ყიფიანი მიიჩნევს, რომ ის, რაც სოჭის ოლიმპიადასთან მიმართებაში მეჩირაღდნესთან დაკავშირებით მოხდა, პროვოკაციაა და მას ქართული მხარე არ უნდა წამოეგოს. 

ამის შესახებ ყიფიანმა „ტვ3“-ის ეთერში, „დიდი პოლიტიკაში“ სტუმრობის დროს განაცხადა. ამასთან, მინისტრმა 2008 წელი გაიხსენა და აღნიშნა, რომ სპორტსმენების ჩართვას მაშინაც აპირებდნენ ავანტურაში, თუმცა, სპორტსმენები ერთად დადგნენ და ეს აქცია ჩაიშალა:

„ჩვენი მოსვლისთანავე განვაცხადეთ, რომ სპორტი არ უნდა გაერიოს პოლიტიკაში ამიტომ, ჩვენი პოლიტიკური ხედვები განსხვავდება. გვახსოვს 2008 წლის პეკინის ოლიმპიადა, გვახსოვს, რომ ოლიმპიური თამაშების დაწყებას დაემთხვა ომის დაწყება და ჩვენს სპორტსმენებს აიძულებდნენ პეკინიდან წამოსვლას, იქ რომ სპორტსმენები არ დამდგარიყვნენ, იქნებოდა სავალალო მდგომარეობა.

ჩვენ მოქალაქეობრივ პოზიციას ვაფიქსირებთ, რეაგირებას გავაკეთებთ. და კიდევ, საქართველომ განაცხადა და ხაზი გაუსვა, რომ მშვიდობიანი გზით კონფლიქტის მოგვარებას უჭერს მხარს, ამიტომ ამ 14 ათასი მეჩირაღდნე ადამიანიდან ვიკითხოთ იქნებ არიან საქართველოს მხარდამჭერები, ეს ცალსახად არის პროვოკაცია.

ოლიმპიურმა კომიტეტმა და აგერ მინისტრი გამოვდივარ, ვაფიქსირებთ ამ პოზიციას, ჩვენი მიზანია ჩვენ მონაწილეობა მივიღოთ და მედალი ავიღოთ, საბოლოო გადაწყვეტილება არაა, მაგრამ დღევადელი პოზიცია რომ დაფიქსირდა, ეს არის პროვოკაცია ჩვენ საქმის კურსში ჩავაყენეთ საერთაშორისო ორგანიზაციები და ჩვენი მეგობრები და გადაწყვეტილება იქნება მიღებული იმის გათვალისწინებით, რომ ჩვენ კონფლიქტის მშვიდობიან მოგვარებას ვარჩევთ. 

დანაშაულზე ვთქით უარი, ძალით სპორტსმენების ჩათრევა ავანტურაში არის დანაშაული, ამას ადგილი ჰქონდა 2008 წლის 8 აგვისტოს პეკინში. აშშ-ს სენატორმა ბრძანა, რომ ბოიკოტი არ არის ის ხერხი, რომელიც შეიძლება მიღებული იყოს რუსეთის წინააღმდეგ“, - აღნიშნა ლევან ყიფიანმა.