28 ივნისს, კახეთში, ბენტლის 2019 წლის რიგით მეორე ტესტ-დრაივი გაიმართა. სტუმრებს განსაკუთრებულად სასიამოვნო გარემოში უმასპინძლა სასტუმრომ „ყვარლის ედემი“.

ტესტ-დრაივზე მოწვეული იყო ბენტლის საავტომობილო ბრენდის მოყვარულები და კომპანიის პარტნიორები ქართული და უცხოური კომპანიებიდან.

2019 წელს ბრენდი 100 წლის იუბილეს აღნიშნავს და ამ წლის განმავლობაში თავის ლოიალურ და ერთგულ მომხარებლებს საინტერესო სიახლეებს, განსაკუთრებულ ღონისძიებებს და ექსკლუზიურ პირობებს სთავაზობს. ეს საიუბილეო მუხტი საქართველოში „ბენტლი თბილისს“ - ბრენდის ოფიციალურ წარმომადგენლობას შემოაქვს.

აღნიშნული ღონისძიება - 2019 წლის განმავლობაში ბენტლის საავტომობილო ბრენდის 100 წლისადმი მიძღვნილი ღონისძიებებიდან ერთ-ერთი იქნება.

სტუმრები შეურთდნენ საუკუნოვანი ბრენდის ზეიმს და ისიამოვნეს ბენტლისთვის დამახასიათებელი განსაკუთრებული გარემოთი.

ტესტ-დრაივის მასპინძელი იყო სასტუმრო „ყვარლის ედემი“. რომელიც, კახეთში ჩასულ სტუმრებს ტრადიციული თბილი გარემოთი კიდევ უფრო დიდი კომფორტი შეუქმნა.

„ვისოლი“, რომელიც „ბენტლი თბილისს“ მუდმივი თანამშრომლობის ფარგლებში მხარს უჭერს და წარმოადგენს ბრენდის პარტნიორს საქართველოში, აღნიშნულ ღონისძიებაზეც გამოირჩეოდა და შესთავაზა როგორც დამსწრე სტუმრებს, ისე კომპანიას განსაკუთრებული სახის პარტნიორობას.

შეგახსენებთ: Bentley Motors - არის მსოფლიოში პოპულარული მდიდრული ავტომობილების ბრენდი. კომპანიის ქარხანა და სათაო ოფისი მდებარეობს ქალაქ ქრუში (ინგლისში). აქვეა თავმოყრილი მისი ძირითადი საქმიანობა, დიზაინერული გადაწყვეტილებების, სამეცნიერო კვლევებისა და შემუშავებების, ასევე ოთხი სამოდელო ხაზის: Continental, Flying Spur, Bentayga და Mulsanne ავტომობილების პროექტირების და წარმოების ჩათვლით.

ბრიტანული მდიდრული საავტომობილო ბრენდების, ისეთი როგორიც არის Bentley, უნიკალურობა, გამოიხატება შემდეგი კომბინაციებით: ხელით შესრულებული საოცარი ნამუშევარი, ტრადიციები რომელიც თაობიდან თაობას გადაეცემა, ინჟინერული გამოცდილებით და მოწინავე ტექნოლოგიებით. კომპანიამ შეინარჩუნა ბრიტანული მდიდრული საგნების მწარმოებელთა საუკეთესო მემკვიდრეობა. ბენტლის ქარხანაში, ქალაქ ქრუში დასაქმებულია დაახლოებით 4000 ადამიანი.

1919 წელს უოლტერ ოუენ ბენტლიმ დააარსა კომპანია, მარტივი მიზნით - შეექმნა «სწრაფი ავტომობილი, კარგი ავტომობილი, საუკეთესო თავის კლასში». მას მერე ეს პრინციპი შეუცვლელი რჩება, რაც ბენტლის ხდის მსოფლიოში წამყვან მწარმოებელს და შტააგონებს ახალ მიღწევებზე.

2019 წლის 10 ივლისს ბენტლის საავტომობილო მარკას უსრულდება 100 წელი. კომპანია, მთელი მსოფლიოს მასშტაბით აღნიშნავს დღევანდელმსოფლიო ბაზარზე წარმატებას და ამ წარმოუდგენლად დიდ განვლილ გზას, რომელიც მხოლოდ ერთეული მწარმოებლებისთვის არის მიღწევადი.