საქართველოს მასშტაბით სკოლებში თვითმმართველობის არჩევნები მიმდინარეობს. დღეს, სკოლის მოსწავლეთა თვითმმართველობების არჩევნები თბილისის N 123 საჯარო სკოლაში ჩატარდა. 

პირველ ეტაპზე, მოსწავლეებმა აირჩიეს კლასის წარმომადგენლები და საბოლოოდ, ხმის მიცემის საფუძველზე გამოვლინდა მოსწავლეთა თვითმმართველობის პრეზიდენტი. 

არჩევნების გამჭვირვალედ ჩატარების მიზნით, საარჩევნო პროცედურა მაქსიმალურად არის მიახლოებული სტანდარტებთან. თითოეულ კლასში შექმნილია სპეციალური კომისია, რომელიც წარმოდგენილია კომისიის თავმჯდომარით, მდივნითა და წევრით. 

არჩევნებს აკვირდებოდნენ ბავშვთა და ახალგაზრდობის ეროვნული ცენტრის წარმომდგენლები და ,,სკოლის მოსწავლეთა თვითმმართველობების გაძლიერებისა და მხარდაჭერის პროექტის” კონსულტანტი თამარ მოსიაშვილი.

ბავშვთა და ახალგაზრდობის ეროვნული ცენტრის სამოქალაქო განათლების, ინტეგრაციისა და ჩართულობის სამსახური თანამშრომლობას უკვე დაკომპელექტებულ თვითმმართველობის გუნდთან გააგრძელებს. ბავშვთა და ახალგაზრდობის ეროვნულ ცენტრში მიმდინარე სკოლის მოსწავლეთა თვითმმართველობების გაძლიერებისა და მხარდაჭერის პროექტის მიზანია: 

მოსწავლეთა თვითმართველობების გააქტიურება, მოსწავლეთა ჩართულობის გაზრდა და გადაწყვეტილებების მიღების პროცესში მათი მონაწილეობა. 

მოზარდებში სამოქალაქო საზოგადოების, მათი უფლებებისა და მოვალეობების შესახებ ცნობიერების ამაღლება და მოსწავლეთა თვითმმართველობის საარჩევნო პროცესის წარმართვაში.

პროექტის შედეგები განზოგადდება, შემუშავდება რეკომენდაციები, რომელიც ხელმისაწვდომი იქნება საჯარო სკოლებისთვის. 

სკოლის მოსწავლეთა თვითმმართველობების გაძლიერებისა და მხარდაჭერის პროექტი წლის ბოლომდე გაგრძელდება, მასში მონაწილეობას თბილისის 5 სხვადასხვა საჯარო სკოლის 150 მოსწავლე იღებს. 

ბავშვთა და ახალგაზრდობის ეროვნული ცენტრის საინფორმაციო სამსახური