დიღომში კიდევ ერთი დიდი ფორმატის სუპერმარკეტი, ‘’ნიკორა XL’’ გაიხსნა

ბიზნესი & ეკონომიკა - 18:23, 28 Jun, 2019

5106

სს ‘’ნიკორა ტრეიდმა’’ კიდევ ერთი დიდი ფორმატის სუპერმარკეტი ‘’ნიკორა XL’’ გახსნა. საქართველოს მასშტაბით უკვე მეოთხე ‘’ნიკორა XL’’ ქ.თბილისში, ლუბლიანას 11 ნომერში გაიხსნა.ქსელში წარმოდგენილია 10 000- ზე მეტი მაღალხარისხიანი პროდუქტი. ბრენდი ასევე გვთავაზობს იმპორტირებული, ექსკლუზიური პროდუქტის მრავალფეროვნებას, ხარისხიან მზა კვებას, ადგილზე გამომცხვარ პურ-ფუნთუშეულსა და კაფეტერიას, რომელიც საყიდლების პროცესს მომხმარებლისთვის უფრო კომფორტულსა და სასიამოვნოს ხდის.

‘’ნიკორა ტრეიდის’’ უპირატესობა 24 საათიანი ქსელი, ექსკლუზიური იმპორტირებული პროდუქტები, მომხმარებელზე მორგებული აქციები და კომფორტული გარემოა, რომელსაც ერთგვარად საკუთარი პარკინგის ტერიტორიაც ქმნის.

‘’ნიკორა სუპერმარკეტი’’-ს ქსელი, მომხმარებლის მოთხოვნიდან გამომდინარე, ძალიან სწრაფად იზრდება და ვითარდება. ყოველთვიურად ასობით სამუშაო ადგილი ჩნდება. სამომავლოდ დამატებით 100 ახალი ფილიალის გახსნაა დაგეგმილი, რაც თავისთავად 1000 სამუშაო ადგილის გაჩენას გულისხმობს. ქსელი ყოველთვის ღიაა, მსურველების დასაქმებისთვის და ყოველთვის ცდილობს, მოერგოს მათ საჭიროებებს: საცხოვრებელ ადგილებსა და სასურველ გრაფიკებს.

‘’ნიკორა ტრეიდი’’ გამორჩეულია მასშტაბებით. შეგახსენებთ, რომ ბრენდი დღეს მთელ საქართველოში 260 ფილიალით არის წარმოდგენილი. მასში შედის, როგორც დიდი ფორმატის (XL), ასევე სტანდარტული და ექსპრეს ფილიალები, რომლებიც ახლა უკვე ლუკოილის ბენზინგასამართ სადგურებზეც გვხვდება.