ეროვნული ვალუტის რეკორდული გაუფასურება - ერთი დოლარი უკვე 2 ლარი 90 თეთრი ღირს, თუმცა ხელისუფლება სირაქლემის პოზიციაშია. ეკონომიკის მინისტრი ნათია თურნავა მიიჩნევს, რომ ლარს გრძელვადიან პერსპექტივაში საფრთხე არ დაემუქრება.

„მაკროეკონომიკა ჯანსაღია, მყარია არ იძლევა იმის საფუძველს, რომ ვიფიქროთ რომ ლარს გრძელვადიანი საფრთხე ემუქრება, თუმცა ისიც მინდა ვთქვა, რომ პოლიტიკური სტაბილურობა სიმშვიდე, ეს არის ის ფაქტორები, რომლებიც ყოველთვის პოზიტიურად მოქმედებს მთლიანად ეკონომიკაზე ინვესტიციებზე, მათ შორის ლარის კურსზე. ჩვენ ვვითარდებით იმდაგვარად, რომ ლარს გრძელვადიან პერსპექტივაში საფრთხე არ უნდა დაემუქროს,“ - ამბობს თურნავა.