მეოთხე ქვეითი ბრიგადის ბაზაში ერთი ერთეული ცეცხლსასროლი იარაღი, „აკს“ ტიპის კალაშნიკოვის ავტომატია დაკარგული.

ეს ინფორმაცია „ნიუპოსტს“ თავდაცვის სამინისტროს პრესცენტრში დაუდასტურეს და განუცხადეს, რომ დანაკლისი ინვენტარიზაციის შედეგად გამოვლინდა, რომელიც ბაზის ხელმძღვანელობის მოთხოვნით 26 სექტემბერს ჩატარდა, 27 სექტემბერს კი იარაღის დაკარგვის გამო სისხლის სამართლის საქმე აღიძრა.

მე-4 ქვეითი ბრიგადის ბაზაზე სამხედრო ინვენტარის დაკარგვისა და სამხედრო მოსამსახურეების მიმართ უდიერი მოპყრობის შესახებ ინფორმაცია გუშინ „ზონანიუსმა“ გაავრცელა.

თავდაცვის სამინისტროს პრესსამსახური კატეგორიულად უარყოფს ჯარისკაცთა და სამხედრო მოსამსახურეთა მიმართ უდიერად მოპყრობის ფაქტების არსებობას ბაზაზე.