სალომე ზურაბიშვილი - პრეზიდენტის მაგივრად ვირჩევთ ფიტულს

სოც.მედია - 15:58, 05 Oct, 2013

2661

პარტია "საქართველოს გზის" საპატიო თავმჯდომარე სალომე ზურაბიშვილი ქვეყანაში მიმდინარე მოვლენებს სოციალურ ქსელში აფასებს. "სამი კვირა ღა დარჩა არჩევნებამდე... მაგრამ არჩევნების რა გითხრათ ?
უფლება ჩამორთმეული ამომრჩეველი პრაკტიკულად გამოეთიშა არჩევნებს და ამაზე მოწმობს დადუმებული და პოლიტიკურად პასიური სოციალური სივრცე.

კანდიდატები სად გაჰქრენ? რომ არაფერი ითქვას იმ ოცდარაღაც არც არსებულ კანდიდატისა რომლების არსებობის მიზანი მხოლოდ არჩევნების გაუფასურება იყო, ან იმ ხუთ ექვს პროფესიონალ კანდიდატზე რომელბიც ჩვეულებრივ რეჟიმში გვევლინებიან, მთავარი სამეული არ ისმის. მათი პრესსამსახურები გვარწმუნებენ, რომ აქტიურ და წარმატებულ კამპანიას ატარებენ მთელ საქართველოში და პლაკატებზე, მაგრამ პოლიტიკურi თემებით არ გამოირჩევიან. ქვეყანაში კი ისმის მხოლოდ ერთის ხმა: პრემიერისა. ის ხვდება ხან ჟურნალისტებს, ხან ექსპერტებს და საათობით უჭირავს საეთერო სივრცე ალბათ იმისათვის, რომ სიცარიელე არ შეიმჩნეოდეს. ცოტა რომ დაფიქრდეს ადამიანი, გეგონება რომ ის კი არ მიდის არამედ მოდის. მთავარი - რიგგარეშე დანიშნული - კანდიდატი, რომელსაც უკვე არავინ ეჯიბრება, შემოიფარგლება მედია სივრცეში პრემიერის ნათქვამზე თავის ქნევით თანხმობის ნიშნად. კითხვა ისმის ცოტა ხანში "ის" რომ წავა, ასე დაბეჯითებით ნეტაც ვის დაეთაენხმება?

მეორე მხარეს კი სიმეტრიულად გამოცოცხლებული სააკაშვილი შანს არ უშვებს თავის პოზიციების დაფიქსიების ხან გაეროში და ხან თვით საქართველოში. თვალები რომ დახუჭო და მოისმინო, გეგონება რომ ის კი არ მიდის არამედ რჩება. მესამე კანდიდატი კი ატარებს გუშინდელ არჩევნებს და რუსეთის გარდა გაყალბების თემა აიტაცა... ალბათ ფიქრობს ყველა გასულ არჩევნებზე როცა თვითონ გამყალბლების და გაპრავების მხარეზე იდგა .

მთავარ საკითხებზე კი არავინ არაფერს გვეუბნება: ევრაზია თუ ევროკავშირი, დვინზე, ეკონომიურ სიტუაცაზე, ან კიდევ, მთავარ კითხვაზე - ანუ საქართველო დემოკრატიის გზას შეუდგება თუ არა. დაპირებებიც არ ისმის. პრემიერის ქადქგებებიდან სხვა კონცეპცია იხატება: დამოუკიდებელი აზრის გაგონებაც უჭირს და მის საჭიროებას ქვეყნაში ვერ ხედავს. სადაც არჩევნების მაგივრად დანიშვნა სჯობს. სადაც ერთიკაცის ნდობა მართავს ყველა სფეროს პოლიტიკურსმ ეკონომიკურს და აწი საზოგადოებრივსაც კი. სასამართლომ კი ჩემ მაგალითზე გვიჩვენა რომ ის არ აღდგენილა და რა სამართლიანობის აღდგენაზე შეიძლება ვიოცნებოთ ამ პიროებში!

პრეზიდენტის მაგივრად ვირჩევთ ფიტულს და არჩევნებიც სათანადო გვექნება.
ამ დროს პარლამენტმა ხელფასები ჯერ მოიმატა და შემდგომ ერთი თვით შვებულებაში გავიდა "კამპანიაში სრულ მონაწილეობის მისაღებად" !

ჩვენ კი როგორც გოდოს ისე ველოდებით ჩვენთვის შერჩეულ-დანიშნულ უცნობ მაგრამ ერთისგან სანდოდ გამოცხადებულ პრემიერს, ნაციონალების და ოცნების კონსტიტუციის ერთობლივ ცვლილებებით ყველა უფლებებით აღჭურვილსა.

არჩევნები არა, თავისუფალი აზრი არა, სასამართლო ვერა, პარლამენტი ისვენებს ან მეორად - უადგილო და უმნიშვნელო - კანონებზე მჯელობს, საგარეო პოლიტიკა აღარა თუ არა ადმინისტრაციული საზღვრების გადაწევა გადმოწევა და ამ დროს სახელმწიფ საზღვრების დავიწყება", - აცხადებს სალომე ზურაბიშვილი.