პარკინგი საერთაშორისო სტანდარტებისაა და ის 350 მანქანაზეა გათვლილი.

მხარეებს შორის გაფორმებული ხელშეკრულების თანახმად, „მეიდან პარკინგი“ ვალდებულია კომერციული ავტოსადგომი აამუშაოს და მომხმარებლს სხვადასხვა სერვისები შეთავაზოს. პარკირების სადგომში ვიდეო-კამერები, ხანძარსაწინააღმდეგო და სხვა სისტემები დამონტაჟდა. უახლოეს მომავალში სადგომი შლაგბაუმის მოწყობილობითა და გადახდის ერთიანი ელექტრონიზირებული PAY TERMINAL-ებით აღიჭურვება. ავტოსადგომში პარკირებისთვის განკუთვნილი ადგილების გარდა, ასევე სამრეცხაო, ქიმწმენდა და სხვადასხვა დანიშნულების ობიექტები ამუშავდება. "თბილისობის" დღესასწაულთან დაკავშირებით, ახალი ავტო-პარკინგი 5 და 6 ოქტომბერს თბილისელებს უფასოდ მოემსახურება. ახალი ავტოსადგომი დღეს თბილისის მერმა დაათვალიერა.