Facebook-ი საკუთარ კრიპტოვალუტას უშვებს, ბიტკოინის ფასი 2,5-ჯერ გაიზარდა

ეს საინტერესოა - 20:06, 18 Jun, 2019

1014

2019 წლის განმავლობაში ბიტკოინის ფასი 2,5-ჯერ გაიზარდა და 10 000$-ს მიაღწია. ამ შედეგის მიღწევაში მას facebook-ი დაეხმარა, რომელმაც განაცხადა, რომ საკუთარი კრიპტოვალუტის გამოშვებას აპირებს. ამ განცხადებამ თავად სოცქსელის აქციების ფასიც 4,24%-ით გაზარდა, თუმცა როგორც ექსპერტები აცხადებენ, სამომავლოდ, ბაზარზე ასეთი ძლიერი მოთამაშის გამოჩენამ შესაძლოა სხვა კრიპტოვალუტებზე უარყოფითად იმოქმედოს.

შეგახსენებთ, რომ Facebook-მა ოფიციალურად განაცხადა, რომ 2020-ში აპირებს საკუთარი კრიპტოვალუტის Libra-ს გამოშვებას. ვალუტა სტეიბლკოინის პრინციპით იმუშავებს, ანუ იგი რეალური ვალუტებით (დოლარი ევრო და აშ) იქნება გამყარებული, რა მას გაცილებით სტაბილურს გახდის.

იმისთვის, რომ Libra გამოიყენოთ, უნდა ჩამოტვირთოთ სოცქსელის ციფრული ყულაბა Calibra.

ჯერჯერობით უცნობია, რომელ ქვეყნებში ამოქმედდება ეს კრიპტოვალუტა და მისი აპლიკაცია, თუმცა, კომპანიაში აცხადებენ, რომ ყველა, ვისაც სმარტფონი აქვს, შეეძლება მისი გამოყენება. Facebook-ი მიიჩნევს, რომ Libra=ს კლიენტი დაახლოებით 1,7 მილიარდიანი კლიენტურა ეყოლება.

კრიპტოვალურას სპეციალური ბიურო Libra Association-ი მოემსახურება, რომელშიც უკვე გაწევრიანდნენ Visa, Mastercard, PayPal, Ebay, Spotify, Uber, Lyft.