თვითნასწავლი მხატვარი ნათია მაჭარაშვილი უკვე საქართველოშია. მან საქართველო 3 წლის ასაკში დატოვა, მაგრამ მშობლიური ქვეყნის სიყვარული და მასზე ფიქრი ერთი წუთითაც არ შეუწყვიტავს.

13 წლის ასაკში, როდესაც გაეცნო საქართველოს, განსაკუთრებით კი 90-იანი წლების სამოქალაქო ომის ისტორიას, აი ასე მოულოდნელად, ისე რომ მანმადე ფუნჯიც არ ჰქონდა აღებული ხელში დაიწყო ხატვა და მისი პირველი ნამუშევარი ზუსტად მისი ქვეყნის ისტორიას მიუძღვნა. ნამუშევარი ძალიან მძიმეა. მან ასე აღიქვა წაკითხულიდან და მონაყოლიდან მისი მშობლიური ქვეყნის მდგომარეობა.

თავდაპირველად ის ნამუშევრებს მალავდა, მანამ, სანამ დედამ არ აღმოაჩინა გარდერობში დამალული ნახატები, ყველაფერი აქედან დაიწყო და დღეს ნათია უკვე ძალაინ წარმატებული მხატვარია. 2017 წელს ნათიას შესთავაზეს მონაწილეობა მიეღო “ნიუ იორკში” მხატვრების გამოფენა-გაყიდვაზე, რომელიც ჩატარდა მანჰეტენზე ვოლ სტრიტის ქუჩაზე, ყველაზე მსხვილ სავაჭრო ცენტრ - World Trade Gallery”-Si – “ Mad at A rt” –ის ორგანიზებით.

აღნიშნულო გამოფენაზე გაიყიდა ერთადერთი ნამუშევარი და ეს იყო ნათია მაჭარაშვილის ნახატი.

ნამუშევარი თავის კოლექციას შემატა ამერიკელმა კოლექციონერმა Jhon martin–მა, რომლემაც თავის ინტერვიუში აღნიშნა, რომ ეს ნახატი ძალიან გავს ედვარდ მუნკის “კივილს”-ს და ავტორს ძალიან დიდ მომავალს უწინასწარმეტყველებს.

ნათია მაჭარაშვილმა ბოლო პერიოდში მიიღო არაერთი მოწვევა ნიუ იორკის სხვადასხვა გამოფენის ორგანიზატორებისგან. მხატვარს ვუსურვებთ წარმატებას. მან ნამდვილად ასახელა ჩვენი ქვეყანა.