კოკო შანელის დამსახურებით, ქალბატონებმა, მთელი მსოფიოს მასშტაბით, შეიყვარეს მოკლე, შავი კაბები. ფრანგმა მოდელიორმა შექმნა ეს შეუცვლელი ტანისამოსი 1926 წელს, გარდაცვლილი პარტნიორის საპატივცემულოდ. თუმცა, შეუდარებელი სტილისა და შთამაგონებელი გარეგნობის შესაქმნელად, მოკლე და თან შავი კაბა არ არის საკმარისი. თუ ყურადღების მიპყრობა გსურთ, კაბას აუცილებლად უნდა შეუხამოთ სხვადასხვა აქსესუარი და მაქსიმალური ყურადღება მიაქციოთ დეტალებს. ამ შემთხვევაში, ქალბატონი ნამდვილად შთამაგონებელი, მიმზიდველი და ნებისმიერისთვის სასურველი იქნება. რა თქმა უნდა, დასაშვები აქსესუარების ვარიანტები ბევრია, მაგრამ „პრესა.ჯი“ რამდენიმე რჩევას გთავაზობთ, რომელიც ასეთი ტანისამოსის ტარებისას, ეფექტის მოხდენაში დაგეხმარებათ.

კოლგოტები დიდი ორნამენტებით

გსურთ, რომ თქვენი შეუდარებელი ფეხების საშუალებით ყურადღება მიიქციოთ? მაშინ, გაბედულად ჩაიცვით კოლგოტები ეფექტური ნახატებით. ისეთები, მაგალითად, როგორებიცაა კოლგოტები Superstar Power House of Holland-ისგან. ასე შემოსილი თქვენ თავისუფლად შეგიძლიათ წახვიდეთ ნებისმიერი სახის საღამოზე ან პაემანზე.

 დიდი მძივები

შეუდარებელი სტილის შექმნაში, ყოველთვის დაგეხმარებათ სწორად შერჩეული მორთულობები, მსხვილი მძივები, გრეხილითა და რომბის ფორმის კვადრატებით. ამ აქსესუარების საშუალებით, თქვენ თვითდაჯერებულობას შეიძენთ და ვერავინ გაბედავს თქვენს მომნუსხველ გარეგნობას თვალი აარიდოს.

უჩვეულო ქამრები

ლამაზი ფიგურის ფლობის შემთხვევაში, თქვენ სრულიად ჩვეულებრივად შეგიძლიათ, შავ კაბაზე უჩვეულო ფორმის ქამრების მორგება. ეს აქსესუარი არა მარტო წელის ფორმას გაუსვამს ხაზს, არამედ თქვენს გარეგნობას ეფექტს, ექსტრავაგანტულობას შესძენს.

კოქტეილის აქსესუარი თავისთვის

თავსახვევი ან რაიმე სხვა აქსესუარი, თქვენს სტილს იდუმალებას შემატებს. თუმცა, ასეთი დეტალი ყოველდღიური მოხმარებისთვის არ არის რეკომენდებული, მაგრამ მოკლე, შავი კაბა ხომ განსაკუთრებული დღეებისთვის და სიტუაციებისთვის არის შექმნილი?

სამაჯური აღმოსავლურ სტილში

 ეგზოტიკის მოყვარულებმა ყურადღება უნდა მიაქციონ მორთულობებს, რომლებიც აღმოსავლურ სტილში არის გადაწყვეტილი. ამ შემთხვევაში კი, არჩევანი საკმაოდ დიდი ზომის სამაჯურზე უნდა შეაჩეროთ, რომელიც სხვადასხვა ფერის ორნამენტებით იქნება გაფორმებული.

ფეხსაცმელი ღია დეტალებით

თქვენ განსაკუთრებულ ყურადღებას იმ შემთხვევაში დაიმსახურებთ, თუ ზემოთ ჩამოთვლილ რჩევებთან ერთად, შემდეგ რჩევასაც გაითვალისწინებთ: დიდი ყურადღება დაუთმეთ ფეხსაცმელს. სასურველია იგი ღია ფერის დეტალებით გაახალისოთ.