"დამიბრუნე ჩემი რვა წელი" - მამაკაცს შეყვარებულზე დასაქორწინებლად შიმშილობის გამოცხადება დასჭირდა

ეს საინტერესოა - 17:37, 15 Jun, 2019

1465

ინდოეთში, ბენგალელ ანანტა ბურმანს 8 წლის განმავლობაში ჰქონდა ურთიერთობა გოგონა ლიპიკასთან. მოულოდნელად, რამდენიმე ხნის წინ ლიპიკამ ვაჟთან კავშირი გაწყვიტა. მას კომუნიკაციის ყველა საშუალება გათიშული ჰქონდა, ტელეფონი, WhatsApp მესენჯერი, სხვა სოციალური ქსელები.

შეყვარებულმა ახალგაზრდამ იგრძნო, რომ საქმე ცუდად იყო და ლიპიკას შესახებ ინფორმაციის მოპოვებას შეეცადა. იგი შოკში ჩავარდა, როდესაც გაიგო, რომ ოჯახი რამდენიმე დღეში გოგონას სხვაზე გათხოვებას უპირებდა.

ანანტა მიხვდა, რომ სიყვარულის დასაბრუნებლად რადიკალური ზომები უნდა მიეღო. იგი უკიდურეს ნაბიჯზე წავიდა - შეყვარებულის სახლთან შიმშილობა დაიწყო, ხელში პლაკატით - "დამიბრუნე ჩემი რვა წელი".

ადგილობრივმა მოსახლეობამ აქციის შეიტყო და ანანტას მხარდასაჭერად ლიპიკას სახლთან შეგროვდნენ. ამ დროს სახლთან საქმროს ოჯახი და პოლიციაც მოვიდა, თუმცა მათ ვერ შესძლეს ანანტასთვის ხელი შეეშალათ.

რამდენიმე დღიანი შიმშილობის შემდეგ მამაკაცი შეუძლოდ გახდა და იგი საავადმყოფოში გადაიყვანეს. ლიპიკას ანანტი შეეცოდა და გადაწყვიტა ძველ შეყვარებულს გაჰყოლოდა ცოლად. მეზობლებმა და ანანტის მხარდაჭერებმა გოგონას ოჯახიც დაარწმუნეს და საბოლოოდ, 8 წლის შეყვარებულებმა ადგილობრივ ინდურ ტაძარში იქორწინეს.