საქართველოს პირველი პრეზიდენტის შვილი კონსტანტინე გამსახურდია ინტერესდება, თუ რატომ არ გრძელდება ზვიად გამსახურდიას გარდაცვალების საქმის გამოძიება.

როგორც დღეს "რეპორტიორის" პრესკლუბში გამართულ პრესკონფერენციაზე მან განაცხადა, ამ საკითხზე მომუშავე დროებითმა საგამოძიებო კომისიამ მუშაობა 2011 წელს დაასრულა და მას შემდეგ გამოძიება შეჩერებულია.

კონსტანტინე გამსახურდიას პრეეტენზიები ძველ ხელისუფლებასთანაც აქვს და ამბობს, რომ თავის დროზე საქმის გამოძიება პროკურატურაში ჯერ ირაკლი ოქრუაშვილმა, შემდეგ კი ზურაბ ადეიშვილმა დაბლოკა. პრესკონფერენციაზე გამსახურდიამ გია ჭანტურიას მკვლელობის ფაქტზეც ისაუბრა.

"2011 წლის შემდეგ პერიოდში ზვიად გამსახურდიას საქმესთან დაკავშირებით ახალი ფატქები წამოწივტივდა. პროკურატურას მასალებიც გადავეცით, თუმცა არაფერი არ გარკვეულა და გამოძიების კუთხით არაფერი არ შეცვლილა", - განაცხადა კოკო გამსახურდიამ.