"ერთიანი ნცაიონალური მოძრაობის" წევრი, კობა ხაბაზი განმარტებებს აკეთებს. ხაბაზმა "ფეისბუქის" საკუთარ გვერდზე გაიზიარა "თავისუფალი ზონის" მასალა სათაურით: "თბილისის მერის კომენტარი "ჯიჰადის“ ვიდეოს საქმეზე", აღნიშნულ მასალას კი საკუთარი კომენტარიც დაურთო:

"ასეთი სამარცხვინო და უსუსური ტყუილი კარგა ხანია არ მომისმენია". 

ხაბაზი საკუთარ კომენტარს განმარტავს: "სამწუხაროდ ჩემი სიტყვები:

"ასეთი სამარცხვინო და უსუსური ტყუილი კარგა ხანია არ მომისმენია" ზოგიერთმა სააგენტომ გიგი უგულავას მიაწერა, არა ბატონებო, ეს სიტყვები ღარიბაშვილსაც კი არ ეკუთვნის, სამარცხვინო და უსუსური ტყუილი ეკუთვნის ივანიშვილს!", - წერს ხაბაზი.

შეგახსენებთ, რომ დედაქალაქის მერის გაცხადებით, იგი გამოძიების კომპეტენტურობაში ეჭვს ვერ შეიტანს.

"მე რაც მოვისმინე და ვნახე ამ დილით, თვითონ დანაშაულის სქემა საკმაოდ მწყობრი და ლოგიკურია. ამიტომ, ამ თვალსაზრისით ბუნებრივია მე ეჭვს ვერ შევიტან, რადგან არ მაქვს მეტი ინფორმაცია. თუმცა ისევე როგორც მე, ალბათ, საზოგადოების ბევრ წევრს გაუჩნდება, ალბათ, შეკითხვა იმ ბუნდოვანებასთან დაკავშირებით რაც თუნდაც ამ ყველაფრის გამოცხადებას ახლდა თან. ჩვენ ვნახეთ ჯერ ერთი მინისტრის წუხილი, რომ არ არის გახსნილი, შემდეგ მეორე მინისტრი ნიშნის მოგებით, რომ თითქოს გახსნილია, ახლა გავიგეთ, რომ თურმე უკვე ერთი თვეა გახსნილია", – განაცხადა გიგი უგულავამ.