გურჯაანის რაიონულ სასამართლომ ველისციხის ინციდენტის დროს დაკავებული სამივე ბრალდებული მოსამართლემ სასამართლო დარბაზიდან ცოტა ხნის წინ გაათავისუფლა. დაცვის მხარის შუამდგომლობა აღმკვეთი ღონისძიების პატიმრობით შეცვლის შესახებ მოსამართლემ დააკმაყოფილა და სამივე მათგანს 3 000 ლარიანი გირაო შეუფარდა.

გოჩა მაისურაძეს, თენგიზ ჯანიაშვილს და მამუკა უსინაშვილს გამოძიება ოპოზიციური პარტიის წარმომადგენლის შოთა დალაქიშვილის მიმართ ფიზიკურ შეურაცხყოფას ედავებოდა. ორივე მათგანი პოლიციამ 2018 წლის 18 დეკემბერს დააკავა. გამოძიება ძალადობის მუხლით დაიწყო.

პროცესზე ადვოკატებმა ყველა მტკიცებულება უდავოდ სცნეს, რის შედეგადაც, მოსამართლე დავით ნარიმანიშვილმა მათ მიმართ ნაკლებად მკაცრი სასჯელი გამოიყენა.

„ჩემი დაცვის ქვეშ მყოფმა, ბატონმა თენგიზ ჯანიაშვილმა წარდგენილ ბრალდებაში თავი სცნო დამნაშავედ და საქმეში წარმოდგენილი მასალები გახადა უდავოდ. მხარი დაუჭირა ჩვენს შუამდგომლობას ბრალდების მხარემ, სასამართლომ იხელმძღვანელა კანონის გათვალისწინებით ყველა იმ მოთხოვნებით და გაათავისუფლა ისინი პატიმრობისგან და შეეფარდათ გირაო“ - განაცხადა თენგიზ ჯანიაშვილის ადვოკატმა.

მორიგი სასამართლო პროცესი მიმდინარე წლის 26 ივლის 12:00 საათზე ჩაინიშნა.