„ხშირად, ძალიან ბევრი ჟურნალისტის გამონათქვამებში დილეტანტობა და საკითხის არცოდნა იგრძნობა,“ - ამის შესახებ საქართველოს პრემიერ-მინისტრმა ბიძინა ივანიშვილმა ტელეკომპანიების საინფორმაციო სამსახურის ხელმძღვანელებსა და თოქ-შოუების წამყვანებთან შეხვედრისას განაცხადა.

ქართული ჟურნალისტიკა, ისევე როგორც საქმიანობის ნებისმიერი სხვა სფერო საქართველოში, გარკვეულ კრიტიკას ნამდვილად იმსახურებს, თუმცა აღნიშნულ შეხვედრაზე პრემიერი დაემსგავსა იმ ადამიანს მათეს სახარებიდან, რომელიც ბეწვს ამჩნევს სხვის თვალში და საკუთარში დირეს ვერ ხედავს.

ნუთუ მას არავინ მოეძებნება გარემოცვაში ვინც ამგვარი შეხვედრების მიზაშეუწონლობაზე დაელაპარაკება?“, - წერს ზურაბ ხარატიშვილი.