დუბაის საამიროს მმართველის და არაბეთის გაერთიანებულ საამიროს ვიცეპრეზიდენტის მოჰამედ ბინ რაშიდ ალ მაკტუმის სამი ვაჟი ერთდროულად დაქორწინდა და დუბაიში მდიდრული ქორწილი გადაიხადეს.

ქორწინების ოფიციალური ცერემონია მაისის შუა რიცხვებში შედგა, სამი ქორწილი კი 6 ივნისს გადაიხადეს. საზეიმო ცერემონია, რომელსაც მხოლოდ მამაკაცები ესწრებოდნენ დუბაის მსოფლიო სავაჭრო ცენტრში გაიმართა, ქალების ცერემონია კი ცალკე, დახურულ რეჟიმში შედგა. დუბაის პრინცების მეუღლეების ფოტოები სოციალურ ქსელში არ გავრცელებულა.

დაქორწინებულ პრინცებს შორისაა, მემკვიდრე პრინცი 36 წლის ჰამდან ბინ მოჰამედ ალ მაკტუმი, რომელიც თავისი გარეგნობისა და ცხოვრების წესის გამო, მთელ მსოფლიოშია პოპულარული.